15.15C Vancouver 15.15C VancouverAug 27, 2025 8:18 PM - Pervez Sandhu - Connect Newsroom
ਐਤਵਾਰ (Aug. 24) ਨੂੰ ਸਰੀ 'ਚ ਹੁੰਦੇ ਇੱਕ ਕ੍ਰਿਕਟ ਮੁਕਾਬਲੇ 'ਚ ਵਾਪਰੀ ਇੱਕ ਘਟਨਾ ਤੋਂ ਬਾਅਦ, ਖੇਡ ਮੈਦਾਨਾਂ 'ਤੇ ਖਿਡਾਰੀਆਂ ਅਤੇ ਸਟਾਫ਼ ਦੀ ਸੁਰੱਖਿਆ ਸੰਬੰਧੀ ਸਵਾਲ ਉੱਠਣ ਲੱਗੇ ਹਨ।
ਸਰੀ ਵਾਰੀਅਰਸ ਕ੍ਰਿਕਟ ਕਲੱਬ ਦੇ ਇੱਕ ਮੁਕਾਬਲੇ ਦੌਰਾਨ ਕਲੱਬ ਦੇ ਸਕੱਤਰ ਪਰਵੇਸ਼ ਕੁਮਾਰ 'ਤੇ ਬੇਅਰ ਸਪਰੇ ਨਾਲ ਹਮਲਾ ਕਰ ਦਿੱਤਾ ਗਿਆ।
ਪਰਵੇਸ਼ ਕੁਮਾਰ ਨੌਰਥ ਸਰੀ ਕਮਿਊਨਿਟੀ ਪਾਰਕ 'ਚ ਖੇਡੇ ਜਾ ਰਹੇ ਮੁਕਾਬਲੇ ਦੌਰਾਨ, ਮੈਦਾਨ ਦੇ ਪਾਸੇ ਇੱਕ ਢਲਾਣ ਵਾਲੀ ਜਗ੍ਹਾ 'ਤੇ ਬੈਠੇ ਸਨ, ਜਦ ਇੱਕ ਵਿਅਕਤੀ ਨੇ ਪਿੱਛੇ ਤੋਂ ਆ ਕੇ ਉਨ੍ਹਾਂ 'ਤੇ ਹਮਲਾ ਕਰ ਦਿੱਤਾ।
ਉਨ੍ਹਾਂ ਦਰਦ ਅਤੇ ਜਲਣ ਨਾਲ ਕੁਰਲਾਉਂਦੇ ਹੋਏ ਰੌਲਾ ਪਾਇਆ, ਤਾਂ ਖਿਡਾਰੀ ਅਤੇ ਹੋਰ ਸਟਾਫ਼ ਉਨ੍ਹਾਂ ਵੱਲ ਦੌੜਿਆ। ਕੁਝ ਟੀਮ ਮੈਂਬਰਾਂ ਨੇ ਹਮਲਾਵਰ ਦਾ ਪਿੱਛਾ ਕਰਣ ਦੀ ਵੀ ਕੋਸ਼ਿਸ਼ ਕੀਤੀ ਪਰ ਸ਼ੱਕੀ ਮੌਕੇ ਤੋਂ ਨਿਕਲਣ 'ਚ ਕਾਮਯਾਬ ਰਹੇ।
ਪਰਵੇਸ਼ ਕੁਮਾਰ ਦੇ ਸਾਥੀਆਂ ਨੇ ਘਟਨਾ ਦੀ ਸੀ.ਸੀ.ਟੀ.ਵੀ. ਫੁਟੇਜ ਵੀ ਹਾਸਿਲ ਕੀਤੀ, ਜਿਸ 'ਚ 3 ਸ਼ੱਕੀ ਮੌਕੇ ਤੋਂ ਇੱਕ ਚਾਂਦੀ ਰੰਗੀ ਗੱਡੀ 'ਚ ਸਵਾਰ ਹੋ ਕੇ ਨਿਕਲਦੇ ਵਿਖਾਈ ਦਿੰਦੇ ਹਨ।
ਸਰੀ 'ਚ ਲਗਾਤਾਰ ਹੁੰਦੀਆਂ ਸ਼ੂਟਿੰਗ ਦੀਆਂ ਘਟਨਾਵਾਂ ਵਿਚਾਲੇ ਹੁਣ ਖੇਡ ਮੈਦਾਨ ਤੱਕ ਪਹੁੰਚੀ ਹਿੰਸਾ ਨੇ ਇਲਾਕੇ 'ਚ ਸੇਫਟੀ ਸੰਬੰਧੀ ਗੰਭੀਰ ਸਵਾਲ ਖੜੇ ਕਰ ਦਿੱਤੇ ਹਨ।
ਪਰਵੇਸ਼ ਕੁਮਾਰ ਨੇ ਕਨੈਕਟ ਐਫ.ਐਮ. ਨਾਲ ਐਕਸਕਲੂਸੀਵ ਗੱਲਬਾਤ 'ਚ ਆਖਿਆ ਕਿ ਉਹ ਇਸ ਘਟਨਾ ਤੋਂ ਬਾਅਦ ਪੁਲਿਸ ਦੀ ਠੰਡੀ ਕਾਰਵਾਈ ਤੋਂ ਬੇਹੱਦ ਨਿਰਾਸ਼ ਹਨ।
ਪਰਵੇਸ਼ ਕੁਮਾਰ ਨੂੰ ਜਦ ਇਸ ਘਟਨਾ ਕਾਰਨ ਖੇਡ ਜਜ਼ਬੇ 'ਤੇ ਵੱਜੀ ਸੱਟ ਸੰਬੰਧੀ ਸਵਾਲ ਕੀਤਾ ਤਾਂ ਉਨ੍ਹਾਂ ਫਿਰ ਦੁਹਰਾਇਆ ਕਿ ਘਟਨਾਵਾਂ ਉਸ ਵੇਲੇ ਤੱਕ ਨਹੀਂ ਰੁਕਣਗੀਆਂ ਜਦ ਤੱਕ ਪੁਲਿਸ ਸਖਤੀ ਨਹੀਂ ਵਰਤਦੀ।
ਬੀ.ਸੀ. ਕ੍ਰਿਕਟ ਐਸੋਸੀਏਸ਼ਨ ਤੋਂ ਹਰਜੀਤ ਸੰਧੂ ਨੇ ਆਖਿਆ, "ਘਟਨਾ ਬੇਹੱਦ ਨਿਰਾਸ਼ਾਜਨਕ ਹੈ ਅਤੇ ਖੇਡਾਂ 'ਚ ਅਜਿਹੀਆਂ ਹਰਕਤਾਂ ਲਈ ਕੋਈ ਜਗ੍ਹਾ ਨਹੀਂ ਹੈ।"
