22.18C Vancouver 22.18C VancouverJul 22, 2020 11:17 PM -
ਕਿਊਬੈਕ ਪ੍ਰੋਵਿੰਸ਼ੀਅਲ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਪਿਤਾ ਵੱਲੋਂ ਆਪਣੀਆਂ ਦੋ ਛੋਟੀ ਉਮਰ ਦੀਆਂ ਬੇਟੀਆਂ ਦੇ ਇਸੇ ਮਹੀਨੇ ਕੀਤੇ ਗਏ ਕਤਲਾਂ ਦੇ ਮਾਮਲੇ ਨਾਲ ਜੁੜੀ ਅਪਰਾਧਿਕ ਜਾਂਚ ਨੂੰ ਹੁਣ ਪੂਰਾ ਕਰ ਲਿਆ ਗਿਆ ਹੈ।
ਪੁਲਿਸ ਨੇ ਅੱਜ 6 ਸਾਲਾ ਰੋਮੀ ਕਾਰਪੈਂਟੀਅਰ ਅਤੇ 11 ਸਾਲਾ ਨੋਰਾ ਕਾਰਪੈਂਟੀਅਰ ਦੀ ਮੌਤ ਅਤੇ ਇਨ੍ਹਾਂ ਦੇ ਪਿਤਾ ਮਾਰਟਿਨ ਕਾਰਪੈਂਟੀਅਰ ਦੀ ਲਾਸ਼ ਮਿਲਣ ਸੰਬੰਧੀ ਜਾਂਚ ਨਾਲ ਜੁੜੀ ਜਾਣਕਾਰੀ ਸਾਂਝੀ ਕੀਤੀ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਪਿਤਾ ਨੇ ਕਿਸੇ ਖੁੰਢੇ ਹਥਿਆਰ ਦੀ ਵਰਤੋਂ ਕਰਦੇ ਹੋਏ ਬੱਚੀਆਂ ਦਾ ਕਤਲ ਕੀਤਾ ਸੀ।
ਯਾਦ ਰਹੇ ਕਾਰਪੈਂਟੀਅਰ ਦਾ ਮ੍ਰਿਤ ਸ਼ਰੀਰ ਇਸੇ ਹਫ਼ਤੇ ਹੀ ਮਿਲਿਆ ਹੈ।
ਯਾਦ ਰਹੇ ਬੱਚੀਆਂ ਦੇ 8 ਜੁਲਾਈ ਨੂੰ ਲਾਪਤਾ ਹੋਣ ਤੋਂ ਬਾਅਦ, 9 ਜੁਲਾਈ ਨੂੰ ਉਨ੍ਹਾਂ ਦੀ ਭਾਲ ਸੰਬੰਧੀ ਐਂਬਰ ਐਲਰਟ ਜਾਰੀ ਕੀਤਾ ਗਿਆ ਸੀ।
