11.93C Vancouver 11.93C VancouverMay 17, 2023 8:35 PM - B.C. Government
ਸਲਾਲ ਸੈਕਸ਼ੁਅਲ ਵਾਇਲੈਂਸ ਸੁਪੋਰਟ ਸੈਂਟਰ (ਸਲਾਲ) ਅਤੇ ਇੰਡੀਅਨ ਰੈਜ਼ੀਡੈਂਸ਼ੀਅਲ ਸਕੂਲ ਸਰਵਾਈਵਰਜ਼ ਸੋਸਾਇਟੀ ਨੂੰ ਆਪਣੀਆਂ ਕ੍ਰਾਈਸਿਸ ਲਾਈਨਾਂ (ਸੰਕਟ ਲਾਈਨਾਂ) ਨੂੰ ਵਧਾਉਣ ਲਈ ਨਵੀਂ ਫੈਡਰਲ ਫੰਡਿੰਗ ਮਿਲੀ ਹੈ, ਜੋ ਸੂਬੇ ਭਰ ਵਿੱਚ 24-ਘੰਟੇ ਵਿਆਪਲਕ, ਵਿਸ਼ੇਸ਼ ਲਿੰਗ-ਆਧਾਰਿਤ ਹਿੰਸਾ ਦੇ ਖ਼ਿਲਾਫ਼ ਸਹਾਇਤਾ ਪ੍ਰਦਾਨ ਕਰਦੇ ਹਨ।
ਇਹਨਾਂ ਸੇਵਾਵਾਂ ਵਿੱਚ ਜੋਖਮ ਦਾ ਮੁਲਾਂਕਣ, ਤੁਰੰਤ ਸੁਰੱਖਿਆ ਯੋਜਨਾਬੰਦੀ, ਅਤੇ ਇੰਡੀਜਨਸ (ਮੂਲਵਾਸੀ) ਪੀੜਤਾਂ ਦੀਆਂ ਵਿਲੱਖਣ ਲੋੜਾਂ ਨੂੰ ਸੰਬੋਧਿਤ ਕਰਨਾ ਸ਼ਾਮਲ ਹੈ।
ਦੋਵੇਂ ਸੰਸਥਾਵਾਂ ਨੂੰ ‘ਵੂਮੈਨ ਐਂਡ ਜੈਂਡਰ ਇੱਕੁਆਲਿਟੀ ਕੈਨੇਡਾ ਨੈਸ਼ਨਲ ਐਕਸ਼ਨ ਪਲੈਨ ਟੂ ਏਂਡ ਜੈਂਡਰ-ਬੇਸਡ ਵਾਇਲੈਂਸ’ ਦੇ ਹਿੱਸੇ ਵਜੋਂ ਚਾਰ ਸਾਲਾਂ ਵਿੱਚ $2.75 ਮਿਲੀਅਨ ਮਿਲਣਗੇ।
ਕੋਵਿਡ-19 ਮਹਾਂਮਾਰੀ ਦੌਰਾਨ, ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕ੍ਰਾਈਸਿਸ ਲਾਈਨਾਂ ਦਾ ਸੰਚਾਲਨ ਕਰਨ ਵਾਲੀਆਂ ਸੰਸਥਾਵਾਂ ਨੇ ਰਿਪੋਰਟ ਦਿੱਤੀ ਕਿ ਫ਼ੋਨ ਕਾਲਾਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ, ਕਿਉਂਕਿ ਹਿੰਸਾ ਦਾ ਸਾਹਮਣਾ ਕਰ ਰਹੇ ਲੋਕ ਅਤੇ ਸੰਬੰਧਤ ਸੇਵਾਵਾਂ ਦੀ ਮੰਗ ਕਰਨ ਵਾਲੇ ਲੋਕਾਂ ਨੂੰ ਸੇਵਾਵਾਂ ਤੱਕ ਸੁਰੱਖਿਅਤ ਢੰਗ ਨਾਲ ਪਹੁੰਚ ਕਰਨ ਵਿੱਚ ਰੁਕਾਵਟਾਂ ਦਾ ਅਨੁਭਵ ਹੋ ਰਿਹਾ ਸੀ।
ਫੈਡਰਲ ਫੰਡਿੰਗ ਇਹਨਾਂ ਸੰਸਥਾਵਾਂ ਨੂੰ ਉਹਨਾਂ ਦੀਆਂ ਕ੍ਰਾਈਸਿਸ-ਲਾਈਨ ਸੇਵਾਵਾਂ ਨੂੰ ਵਧਾਉਣ ਅਤੇ ਉਹਨਾਂ ਦਾ ਵਿਸਤਾਰ ਕਰਨ ਲਈ ਸਹਾਇਤਾ ਕਰੇਗੀ, ਜਿਸ ਨਾਲ ਉਹ ਬੀ.ਸੀ. ਵਿੱਚ ਹੋਰ ਲੋਕਾਂ ਦੀ ਮਦਦ ਕਰ ਸਕਣਗੇ।
