ਐਲਬਰਟਾ ਸਰਕਾਰ ਵਲੋਂ ਪੇਸ਼ ਕੀਤੇ ਬਜਟ ਦੀ ਸਿਹਤ ਅਤੇ ਸਿੱਖਿਆ ਮਾਹਿਰਾਂ ਨੇ ਕੀਤੀ ਆਲੋਚਨਾ

ਐਲਬਰਟਾ ਸਰਕਾਰ ਵਲੋਂ ਪੇਸ਼ ਕੀਤੇ ਗਏ ਬਜਟ ਦੀ ਐਜੂਕੇਸ਼ਨ ਅਤੇ ਹੈਲਥ ਮਾਹਿਰਾਂ ਵਲੋਂ ਆਲੋਚਨਾ ਹੋ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਵਿਚ ਐਜੂਕੇਸ਼ਨ ਅਤੇ ਹੈਲਥ ਕੇਅਰ ਫੰਡਿੰਗ, ਐਮਰਜੈਂਸੀ ਰੂਮ ਲਈ ਉਡੀਕ ਦਾ ਸਮਾਂ ਅਤੇ ਬਹੁਤ ਜ਼ਿਆਦਾ ਭਰੇ ਕਲਾਸਰੂਮ ਬਾਰੇ ਧਿਆਨ ਹੀ ਨਹੀਂ ਦਿੱਤਾ ਗਿਆ।

ਐਲਬਰਟਾ ਟੀਚਰਸ ਐਸੋਸੀਏਸ਼ਨ ਦੇ ਮੁਖੀ ਜੇਸਨ ਸ਼ਿਲਿੰਗ ਨੇ ਕਿਹਾ ਕਿ ਸਰਕਾਰ ਨੇ ਕਿੰਡਰਗਾਰਡਨ ਤੋਂ 12ਵੀਂ ਦੇ ਸਕੂਲ ਸਿਸਟਮ ਲਈ ਕਰੀਬ 10-ਬਿਲੀਅਨ ਡਾਲਰ ਦਾ ਬਜਟ ਰੱਖਿਆ ਹੈ ਜੋ ਕਿ ਮਹਿੰਗਾਈ ਅਤੇ ਜਨਸੰਖਿਆ ਵਾਧੇ ਕਾਰਨ ਬਹੁਤ ਘੱਟ ਹੈ।

ਸ਼ਿਲਿੰਗ ਨੇ ਕਿਹਾ ਕਿ ਅਮਰੀਕਾ ਦੇ ਟੈਰਿਫ ਕਾਰਨ ਤੇਲ ਦੀ ਆਮਦਨ ਘਟਾ ਸਕਦੇ ਹਨ ਪਰ ਐਜੂਕੇਸ਼ਨ ਨੂੰ ਪਹਿਲ ਦੇਣੀ ਜ਼ਰੂਰੀ ਹੈ। ਪਬਲਿਕ ਇੰਟਰਸਟ ਐਲਬਰਟਾ ਮੁਤਾਬਕ ਹੈਲਥ ਕੇਅਰ ਨੂੰ ਵੀ ਬਜਟ ਵਿਚ ਪਹਿਲ ਨਹੀਂ ਦਿੱਤੀ ਗਈ।

ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਹੈਲਥ ਕੇਅਰ ਨੂੰ 5.4 ਫੀਸਦੀ ਫੰਡਿੰਗ ਵਧੇਰੇ ਮਿਲੀ ਹੈ ਜਦਕਿ ਜਨਸੰਖਿਆ ਵਾਧੇ ਅਤੇ ਮਹਿੰਗਾਈ ਦੇ ਦਬਾਅ ਕਾਰਨ ਇਹ ਬਹੁਤ ਘੱਟ ਹੈ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਸੂਬੇ ਵਿਚ ਐਮਰਜੈਂਸੀ ਰੂਮ ਲਈ ਉਡੀਕ ਦਾ ਸਮਾਂ ਵੀ ਨਹੀਂ ਘਟੇਗਾ ਅਤੇ ਫੈਮਿਲੀ ਡਾਕਟਰਾਾਂ ਦੀ ਕਮੀ ਵੀ ਨਹੀਂ ਘਟੇਗੀ।