18.06C Vancouver 18.06C VancouverFeb 13, 2020 2:46 PM -
ਵੈਸਟਰਡੈਮ ਨਾਂ ਦਾ ਉਹ ਸਮੁੰਦਰੀ ਜਹਾਜ਼ ਜਿਸ ਨੂੰ ਕੋਵਿੱਡ-19 ਵਾਇਰਸ ਦੇ ਫੈਲਣ ਦੇ ਡਰ ਨਾਲ ਚਾਰ ਮੁਲਕਾਂ ਦੀਆਂ ਸਰਕਾਰਾਂ ਨੇ ਆਪਣੇ ਪਾਣੀਆਂ ਵਿੱਚ ਵੜ੍ਹਨ ਦੀ ਇਜਾਜ਼ਤ ਨਹੀਂ ਸੀ ਦਿੱਤੀ, ਅੱਜ ਕੰਬੋਡੀਆ ਪਹੁੰਚ ਗਿਆ।
ਜਹਾਜ਼ ਤੇ ਮੌਜੂਦ 1,455 ਯਾਤਰੀਆਂ ਅਤੇ 802 ਕਰੂ ਮੈਂਬਰਾਂ ਦੇ ਚੈਕਅੱਪ ਕੀਤੇ ਗਏ ਹਨ।
ਕੰਬੋਡੀਆ ਦੇ ਇੱਕ ਸਿਹਤ ਅਧਿਕਾਰੀ ਮੁਤਾਬਕ 20 ਦੇ ਕਰੀਬ ਯਾਤਰੀਆਂ ਨੂੰ ਬੁਖਾਰ ਅਤੇ ਢਿੱਡ ਵਿੱਚ ਦਰਦ ਦੀ ਸ਼ਿਕਾਇਤ ਸੀ ਪਰ ਇਨ੍ਹਾਂ ਨਿਸ਼ਾਨੀਆਂ ਨੂੰ ਆਮ ਤਕਲੀਫ ਮੰਨਿਆ ਜਾ ਰਿਹਾ ਹੈ।
ਹਾਲੈਂਡ ਅਮਰੀਕਾ ਲਾਈਨ ਮੁਤਾਬਕ ਜਹਾਜ਼ ਉੱਤੇ ਕਿਸੇ ਦੇ ਵੀ ਵਾਇਰਸ ਤੋਂ ਪ੍ਰਭਾਵਿਤ ਹੋਣ ਦੀ ਖਬਰ ਨਹੀਂ ਹੈ।
ਅਮਰੀਕੀ ਅੰਬੈਸਡਰ ਡਬਲਿਊ.ਪੈਟ੍ਰਿਕ ਮਰਫੀ ਨੇ ਕਿਹਾ ਕਿ ਅੰਬੈਸੀ ਦੀ ਇੱਕ ਟੀਮ ਜਹਾਜ਼ ਦੇ ਪ੍ਰਤੀਨਿਧੀਆਂ ਅਤੇ ਕੰਬੋਡੀਆ ਦੇ ਅਧਿਕਾਰੀਆਂ ਨਾਲ ਮਿਲ ਕੇ ਅਮਰੀਕੀ ਯਾਤਰੀਆਂ ਨੂੰ ਆਪਣੇ ਟਿਕਾਣੇ ਤੇ ਪਹੁੰਚਣ ਵਿੱਚ ਸਹਿਯੋਗ ਪ੍ਰਦਾਨ ਕਰੇਗੀ।
ਮਰਫੀ ਨੇ ਕਿਹਾ ਕਿ ਅਮਰੀਕਾ ਵੱਲੋਂ ਇਸ ਸਬੰਧ ਵਿੱਚ ਹੋਰ ਮੁਲਕਾਂ ਦੀਆਂ ਅੰਬੈਸੀਆਂ ਨਾਲ ਵੀ ਸੰਪਰਕ ਕੀਤਾ ਗਿਆ ਹੈ।
