13.79C Vancouver 13.79C VancouverJun 12, 2020 11:32 PM -
ਵੁਆਵੇ ਦੀ ਸੀ.ਐਫ.ਓ. ਮੰਗ ਵਾਂਜੋ ਦੇ ਵਕੀਲਾਂ ਨੇ ਇਲਜ਼ਾਮ ਲਗਾਏ ਹਨ ਕਿ ਕੈਨੇਡਾ ਦੀ ਰਾਸ਼ਟਰੀ ਜਸੂਸੀ ਅਜੈਂਸੀ, ਇੱਕ ਪਲੈਨ 'ਤੇ ਕੰਮ ਕਰ ਰਹੀ ਸੀ, ਜਿਸ ਤਹਿਤ ਬਾਰਡਰ ਅਫ਼ਸਰਾਂ ਵੱਲੋਂ ਵੁਆਵੇ ਦੀ ਐਗਜ਼ੀਕਿਊਟਿਵ ਨੂੰ ਵੈਨਕੂਵਰ ਹਵਾਈ ਅੱਡੇ 'ਤੇ ਡਿਟੇਨ ਕੀਤਾ ਜਾਣਾ ਤੈਅ ਸੀ।
ਮੰਗ ਵਾਂਜੋ, ਅਮਰੀਕਾ 'ਚ ਧੋਖਾਧੜੀ ਦੇ ਮਾਮਲੇ 'ਚ ਵਾਂਟਿਡ ਹਨ।
ਪਰ ਮੰਗ ਵਾਂਜੋ ਅਤੇ ਵੁਆਵੇ ਨੇ ਇਲਜ਼ਾਮਾਂ ਨੂੰ ਗਲਤ ਦੱਸਿਆ ਹੈ ਅਤੇ ਲਗਾਤਾਰ ਮੰਗ ਉਠਾਈ ਹੈ ਕਿ ਇਸ ਹਵਾਲਗੀ ਦੇ ਮਾਮਲੇ ਨੂੰ ਰੱਦ ਕੀਤਾ ਜਾਵੇ।
ਵਕੀਲਾਂ ਦਾ ਕਹਿਣਾ ਹੈ ਕਿ ਮੰਗ ਵਾਂਜੋ ਦੇ ਚਾਰਟਰ ਅਧਿਕਾਰਾਂ ਦੀ ਉਸ ਵੇਲੇ ਉਲੰਘਣਾ ਹੋਈ ਸੀ, ਜਦ 1 ਦਿਸੰਬਰ 2018 ਨੂੰ ਉਨ੍ਹਾਂ ਨੂੰ ਬਾਰਡਰ ਅਧਿਕਾਰੀਆਂ ਵੱਲੋਂ ਰੋਕਿਆ ਗਿਆ ਸੀ ਅਤੇ ਸਵਾਲ ਕੀਤੇ ਗਏ ਸਨ।
ਵਕੀਲਾਂ ਦਾ ਕਹਿਣਾ ਹੈ ਕਿ ਮੰਗ ਵਾਂਜੋ ਨੂੰ ਗ੍ਰਿਫਤਾਰੀ ਦੀ ਜਾਣਕਾਰੀ ਦੇਣ ਤੋਂ ਪਹਿਲਾਂ ਹੀ ਉਨ੍ਹਾਂ ਦੇ ਇਲੈਕਟ੍ਰਾਨਿਕਸ ਅਤੇ ਪਾਸਵਰਡ ਹਾਸਿਲ ਕਰ ਲਏ ਗਏ ਸਨ, ਅਤੇ ਇਨ੍ਹਾਂ ਨੂੰ ਆਰ.ਸੀ.ਐਮ.ਪੀ. ਨਾਲ ਸਾਂਝਾ ਕੀਤਾ ਗਿਆ ਸੀ।
ਫੈਡਰਲ ਕੋਰਟ ਨੂੰ ਦਿੱਤੇ ਇੱਕ ਦਸਤਾਵੇਜ਼ 'ਚ ਵਕੀਲਾਂ ਨੇ ਕਿਹਾ ਹੈ ਕਿ ਕਨੇਡੀਅਨ ਸਿਕਿਉਰਿਟੀ ਇੰਟੈਲੀਜੈਂਸ ਸਰਵਿਸ ਨੂੰ ਕਈ ਘੰਟੇ ਦੀ ਦੇਰੀ ਬਾਰੇ ਵੀ ਪਹਿਲਾਂ ਹੀ ਪਤਾ ਸੀ, ਅਤੇ ਇਸੇ ਕਾਰਨ ਦਸਤਾਵੇਜ਼ਾਂ 'ਚ ਕਿਹਾ ਗਿਆ ਕਿ ਉਨ੍ਹਾਂ ਦੀ ਗ੍ਰਿਫਤਾਰੀ 4 ਵਜੇ ਦੇ ਕਰੀਬ ਹੋਣ ਦੀ ਉਮੀਦ ਸੀ ਜਦਕਿ ਉਨ੍ਹਾਂ ਦੀ ਉਡਾਣ ਦਾ ਸਮਾਂ ਸਵੇਰੇ 11.30 ਵਜੇ ਦਾ ਸੀ।
ਵਕੀਲਾਂ ਨੇ ਸੀ.ਐਸ.ਆਈ.ਐਸ. ਦੀ ਰਿਪੋਰਟ 'ਚ ਰੱਖੇ ਗਏ ਤੱਥਾਂ 'ਤੇ ਕਈ ਸਵਾਲ ਖੜੇ ਕੀਤੇ ਹਨ।
ਸੀ.ਐਸ.ਆਈ.ਐਸ. ਦੇ ਬੁਲਾਰੇ ਜੌਨ ਟਾਊਨਸੈਂਡ ਦਾ ਕਹਿਣਾ ਸੀ ਕਿ ਮਾਮਲਾ ਕੋਰਟ ਦੇ ਸਾਹਮਣੇ ਹੈ ਅਤੇ ਇਸ ਸਮੇਂ ਮਾਮਲੇ 'ਚ ਟਿੱਪਣੀ ਨਹੀਂ ਕੀਤੀ ਜਾ ਸਕਦੀ।
