12.07C Vancouver 12.07C VancouverAug 13, 2025 6:23 PM - The Canadian Press
ਕੈਨੇਡੀਅਨ ਯੂਨੀਅਨ ਆਫ਼ ਪੋਸਟਲ ਵਰਕਰਾਂ ਨੇ ਕੈਨੇਡਾ ਪੋਸਟ ਨਾਲ ਮਸਲਾ ਸੁਲਝਾਉਣ ਲਈ ਦੋ ਦਿਨ ਗੱਲਬਤ ਵਿਚ ਸ਼ਾਮਲ ਹੋਣ ਦੀ ਗੱਲ ਆਖੀ ਹੈ। ਲਗਭਗ 55,000 ਡਾਕ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਕਿਹਾ ਕਿ ਦੋਵੇਂ ਧਿਰਾਂ ਪਹਿਲਾਂ ਮੰਗਲਵਾਰ ਨੂੰ ਫੈਡਰਲ ਵਿਚੋਲੇ ਨਾਲ ਬੈਠਕ ਵਿਚ ਸ਼ਾਮਲ ਹੋਈਆਂ ਸਨ, ਹੁਣ ਯੂਨੀਅਨ ਦੇ ਨੁਮਾਇੰਦੇ ਸ਼ੁੱਕਰਵਾਰ ਅਤੇ ਸੋਮਵਾਰ ਨੂੰ ਕੈਨੇਡਾ ਪੋਸਟ ਨਾਲ ਬੈਠਕ ਕਰਨਗੇ।
ਇਹ ਵਾਰਤਾ ਕੈਨੇਡਾ ਪੋਸਟ ਦੇ ਨਵੇਂ ਪ੍ਰਸਤਾਵ ਨੂੰ ਕਰਮਚਾਰੀਆਂ ਵਲੋਂ ਠੁਕਰਾਏ ਜਾਣ ਦੇ ਬਾਅਦ ਸ਼ੁਰੂ ਹੋਈ ਹੈ। ਕੰਪਨੀ ਨੇ ਪ੍ਰਸਤਾਵ ਵਿਚ ਡਾਕ ਕਰਮਚਾਰੀਆਂ ਨੂੰ 4 ਸਾਲਾਂ ਵਿਚ ਤਨਖਾਹਾਂ ਵਿਚ 13 ਫੀਸਦੀ ਵਾਧੇ ਦੀ ਪੇਸ਼ਕਸ਼ ਕੀਤੀ ਸੀ, ਨਾਲ ਹੀ ਪਾਰਟ ਟਾਈਮ ਵਰਕਰਾਂ ਨੂੰ ਹਾਇਰ ਕਰਨ ਸਬੰਧੀ ਫੈਸਲੇ ਨੂੰ ਮੁੜ ਵਿਚਾਰੇ ਜਾਣ ਦਾ ਭਰੋਸਾ ਦਿੱਤਾ ਸੀ।
ਯੂਨੀਅਨ ਨੇ ਕਿਹਾ ਕਿ ਮਸਲਾ ਹੱਲ ਨਾ ਹੋਣ ਕਾਰਨ ਉਸ ਦੀ ਨੈਸ਼ਨਲ ਓਵਰਟਾਈਮ ਪਾਬੰਦੀ ਅਜੇ ਵੀ ਪ੍ਰਭਾਵੀ ਹੈ। ਗੌਰਤਲਬ ਹੈ ਕਿ ਦੋਵੇਂ ਧਿਰਾਂ ਵਿਚ ਨਵੇਂ ਸਮਝੌਤੇ ਲਈ ਗੱਲਬਾਤ ਲਗਭਗ ਡੇਢ ਸਾਲ ਤੋਂ ਚੱਲ ਰਹੀ ਹੈ।
