ਡੋਨਲਡ ਟਰੰਪ ਦੇ ਲਾਸ ਵੇਗਸ ਸਥਿਤ ਹੋਟਲ ਦੇ ਬਾਹਰ ਸਾਈਬਰਟਰੱਕ ਵਿਚ ਜ਼ੋਰਦਾਰ ਧਮਾਕਾ

ਅਮਰੀਕਾ ਵਿਚ ਬੁੱਧਵਾਰ ਨੂੰ ਆਗਮੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੇ ਲਾਸ ਵੇਗਸ ਸਥਿਤ ਹੋਟਲ ਦੇ ਬਾਹਰ ਸਾਈਬਰਟਰੱਕ ਵਿਚ ਜ਼ੋਰਦਾਰ ਧਮਾਕਿਆ ਹੋਇਆ, ਜਿਸ ਵਿਚ ਡਰਾਈਵਰ ਦੀ ਮੌਤ ਹੋ ਗਈ, ਜਦੋਂ ਕਿ ਆਸਪਾਸ ਮੌਜੂਦ 7 ਹੋਰ ਲੋਕ ਜ਼ਖਮੀ ਹੋ ਗਏ।

ਲਾਸ ਵੇਗਸ ਵਿਚ ਐੱਫ.ਬੀ.ਆਈ. ਦੇ ਇੰਚਾਰਜ ਜੇਰੇਮੀ ਸ਼ਵਾਰਟਜ਼ ਨੇ ਕਿਹਾ ਕਿ ਅਧਿਕਾਰੀ ਨਿਊ ਓਰਲੀਨਜ਼ ਵਿਚ ਹੋਏ ਹਮਲੇ ਅਤੇ ਲਾਸ ਵੇਗਸ ਵਿਸਫੋਟ ਵਿਚਕਾਰ ਸੰਭਾਵੀ ਸਬੰਧਾਂ ਦੀ ਜਾਂਚ ਕਰ ਰਹੇ ਹਨ। ਲਾਸ ਵੇਗਸ ਪੁਲਿਸ ਵਿਭਾਗ ਨੇ ਕਿਹਾ ਕਿ ਉਨ੍ਹਾਂ ਨੂੰ ਟਰੰਪ ਹੋਟਲ ਦੇ ਬਾਹਰ ਬੀਤੀ ਸਵੇਰ 8:40 ਵਜੇ ਦੇ ਕਰੀਬ ਧਮਾਕੇ ਦੀ ਸੂਚਨਾ ਮਿਲੀ ਸੀ।

ਅਧਿਕਾਰੀਆਂ ਨੇ ਕਿਹਾ ਕਿ ਟਰੱਕ ਨੂੰ ਕੋਲੋਰਾਡੋ ਵਿਚ ਟੂਰੋ ਜ਼ਰੀਏ ਕਿਰਾਏ ’ਤੇ ਲਿਆ ਗਿਆ ਸੀ, ਇਹ ਉਹੀ ਕਾਰ ਰੈਂਟਲ ਐਪ ਸੀ ਜਿਸ ਦਾ ਇਸਤੇਮਾਲ ਨਿਊ ਓਰਲੀਨਜ਼ ਵਿਚ ਵੀ ਹੋਇਆ ਸੀ। ਇਹ ਦੋਵੇਂ ਘਟਨਾਵਾਂ ਨਵੇਂ ਸਾਲ ਮੌਕੇ ਕੁਝ ਹੀ ਘੰਟਿਆਂ ਵਿਚ ਹੋਈਆਂ ਸਨ।