ਡੈਨੀਅਲ ਸਮਿਥ ਅਤੇ ਡੱਗ ਫੋਰਡ ਅੱਜ ਕੈਲਗਰੀ ਵਿੱਚ ਸਮਝੌਤਿਆਂ 'ਤੇ ਕਰਨਗੇ ਦਸਤਖਤ

ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਅੱਜ ਕੈਲਗਰੀ ਵਿੱਚ ਮਿਲ ਕੇ ਕੁਝ ਨਵੇਂ ਸਮਝੌਤਿਆਂ 'ਤੇ ਦਸਤਖਤ ਕਰਨਗੇ। ਜਾਣਕਾਰੀ ਅਨੁਸਾਰ ਇਨ੍ਹਾਂ ਸਮਝੌਤਿਆਂ ਵਿੱਚ ਊਰਜਾ,ਵਪਾਰ ਅਤੇ ਅੰਤਰ- ਸੂਬਾਈ ਸਹਿਯੋਗ ਵਰਗੇ ਸਮਝੌਤੇ ਸ਼ਾਮਲ ਹਨ। ਜ਼ਿਕਰਯੋਗ ਹੈ ਕਿ ਪ੍ਰੀਮੀਅਰ ਸਮਿਥ ਤੇ ਪ੍ਰੀਮੀਅਰ ਡੱਗ ਫੋਰਡ ਐਤਵਾਰ ਨੂੰ ਕੈਲਗਰੀ ਵਿੱਚ ਹੋਈ ਗੋਲਮੇਜ ਕਾਨਫਰੰਸ ਦੌਰਾਨ ਇਕੱਠੇ ਹੋਏ ਸਨ।

ਉਸ ਦੌਰਾਨ ਦੋਵਾਂ ਵਿੱਚ ਖਣਿਜਾਂ ਅਤੇ ਊਰਜਾ ਨੂੰ ਨਿਰਯਾਤ ਕਰਨ ਲਈ ਨਵੀਆਂ ਪਾਈਪਲਾਈਨਾਂ ਅਤੇ ਰੇਲ ਲਾਈਨਾਂ ਬਾਰੇ ਚਰਚਾ ਹੋਈ ਸੀ। ਐਤਵਾਰ ਨੂੰ ਗੋਲਮੇਜ ਕਾਨਫਰੰਸ ਅਤੇ ਡੈਨੀਅਲ ਸਮਿਥ ਨਾਲ ਹੋਈ

ਮੁਲਾਕਾਤ ਤੋਂ ਬਾਅਦ ਫੋਰਡ ਨੇ ਐਤਵਾਰ ਨੂੰ ਸ਼ੋਸ਼ਲ ਮੀਡੀਆ ਪੋਸਟ ਰਾਹੀਂ ਇਹ ਕਿਹਾ ਸੀ ਕਿ ਆਪਣੇ ਸਰੋਤਾਂ ਨੂੰ ਨਵੇਂ ਬਜ਼ਾਰਾਂ ਤੱਕ ਪਹੁੰਚਾ ਕੇ ਕੈਨੇਡਾ ਦੇ ਕਾਮਿਆਂ ਨੂੰ ਟੈਰਿਫ ਅਤੇ ਆਰਥਿਕ ਅਨਿਸ਼ਚਤਤਾ ਤੋਂ ਬਚਾਇਆ ਜਾ ਸਕਦਾ ਹੈ। ਗੌਰਤਲਬ ਹੈ ਕਿ ਅੱਜ ਦੀ ਡੈਨੀਅਲ ਸਮਿਥ ਅਤੇ ਡੱਗ ਫੋਰਡ ਵਿੱਚ ਹੋਣ ਵਾਲੀ ਮੁਲਾਕਾਤ ਸ਼ਾਮ ਨੂੰ ਮੈਕਡੌਗਲ ਸੈਂਟਰ ਦੇ ਬਾਹਰ ਹੋਵੇਗੀ।