11.93C Vancouver 11.93C VancouverJun 7, 2021 8:34 PM -
ਔਂਟੈਰੀਓ ਦੇ ਲੰਡਨ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਬੀਤੀ ਰਾਤ ਇੱਕ ਗੱਡੀ ਨਾਲ ਟੱਕਰ ਦੀ ਘਟਨਾ 'ਚ 4 ਲੋਕਾਂ ਦੀ ਮੌਤ ਹੋ ਗਈ ਹੈ।
ਪੁਲਿਸ ਨੇ ਦੱਸਿਆ ਹੈ ਕਿ ਇਸ ਘਟਨਾ 'ਚ ਇੱਕੋ ਪਰਿਵਾਰ ਦੇ 4 ਲੋਕਾਂ ਦੀ ਮੌਤ ਹੋ ਗਈ ਹੈ।
ਘਟਨਾ 'ਚ ਪੀੜਤ ਲੋਕਾਂ ਨੂੰ ਉਨ੍ਹਾਂ ਦੇ ਧਰਮ ਕਾਰਨ ਮਿਥ ਕੇ ਨਿਸ਼ਾਨਾ ਬਣਾਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਪੀੜਤਾਂ 'ਚ ਇੱਕ ਔਰਤ ਦੀ ਉਮਰ 74ਸਾਲ, ਇੱਕ ਵਿਅਕਤੀ ਦੀ ਉਮਰ 46 ਸਾਲ, ਇੱਕ ਔਰਤ ਦੀ ਉਮਰ 44 ਸਾਲ ਅਤੇ ਚੌਥੀ ਪੀੜਤ ਲੜਕੀ ਦੀ ਉਮਰ 15 ਸਾਲ ਦੱਸੀ ਗਈ ਹੈ।
ਇਹ ਲੋਕ ਪੈਦਲ ਜਾ ਰਹੇ ਸਨ ਜਦ ਮਿਥ ਕੇ ਇਹਨਾਂ 'ਚ ਟੱਕਰ ਮਾਰ ਦਿੱਤੀ ਗਈ।
ਚਾਰੇ ਪੀੜਤ ਮੁਸਲਿਮ ਭਾਈਚਾਰੇ ਦੇ ਦੱਸੇ ਗਏ ਹਨ।
ਪੁਲਿਸ ਨੇ ਦੱਸਿਆ ਕਿ ਇੱਕ ਔਰਤ ਨੂੰ ਮੌਕੇ 'ਤੇ ਹੀ ਮ੍ਰਿਤ ਐਲਾਨ ਦਿੱਤਾ ਗਿਆ ਸੀ।
ਘਟਨਾ ਸ਼ਹਿਰ ਦੇ ਨੌਰਥਵੈਸਟ ਐਂਡ 'ਚ ਵਾਪਰੀ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਘਟਨਾ ਤੋਂ ਕੁਝ ਹੀ ਸਮੇਂ 'ਚ ਹਸਪਤਾਲ 'ਚ ਇੱਕ ਆਦਮੀ, ਇੱਕ ਔਰਤ ਅਤੇ ਇੱਕ ਟੀਨੇਜਰ ਨੇ ਦਮ ਤੋੜ ਦਿੱਤਾ।
ਇੱਕ 9 ਸਾਲਾ ਬੱਚੇ ਦੀ ਹਾਲਤ ਗੰਭੀਰ ਦੱਸੀ ਗਈ ਹੈ।
ਪੁਲਿਸ ਨੇ ਮਾਮਲੇ 'ਚ ਇੱਕ 20 ਸਾਲਾ ਲੰਡਨ ਨਿਵਾਸੀ ਨੂੰ ਗ੍ਰਿਫਤਾਰ ਕੀਤਾ ਹੈ।
ਇਸ ਦਾ ਨਾਮ ਨੈਫੈਨਿਅਲ ਵੈਲਟਜ਼ਮੈਨ ਦੱਸਿਆ ਗਿਆ ਹੈ।
ਲੰਡਨ ਦੇ ਮੇਅਰ ਐਡ ਹੋਲਡਰ ਨੇ ਇਸ ਘਟਨਾ ਨੂੰ 'ਮਾਸ ਮਰਡਰ' ਕਰਾਰ ਦਿੱਤਾ ਹੈ।
