18.97C Vancouver 18.97C VancouverMay 14, 2020 7:37 PM -
ਇੰਡੀਜਨਸ ਸਰਵਿਸਿਜ਼ ਮੰਤਰੀ ਮਾਰਕ ਮਿਲਰ ਦਾ ਕਹਿਣਾ ਹੈ ਕਿ, ਸਰਕਾਰ ਕੋਵਿਡ-19 ਕਾਰਨ ਫਰਸਟ ਨੇਸ਼ਨ ਲੋਕਾਂ ਨਾਲ ਸੰਬੰਧਤ ਅਹਿਮ ਸਮਾਗਮਾਂ ਨੂੰ ਰੱਦ ਨਹੀਂ ਕਰੇਗੀ। ਉਨ੍ਹਾਂ ਕਿਹਾ ਕਿ ਕੈਨੇਡਾ ਦੇ ਇਤਿਹਾਸ 'ਚ ਅਜਿਹੇ ਸਮਾਗਮਾਂ ਨੂੰ ਰੱਦ ਕਰਨਾ ਇੱਕ ਧੱਬਾ ਸਾਬਿਤ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਕੋਈ ਸਮਾਗਮ ਰੱਦ ਹੁੰਦਾ ਹੈ, ਤਾਂ ਇਹ ਫਰਸਟ ਨੇਸ਼ਨਜ਼ ਲੀਡਰਸ਼ਿਪ ਦਾ ਫੈਸਲਾ ਹੋਵੇਗਾ, ਜਿੰਨਾ ਨੂੰ ਲੋਕ ਸਿਹਤ ਸਲਾਹ ਪ੍ਰਦਾਨ ਕੀਤੀ ਜਾ ਰਹੀ ਹੈ।
ਫਰਸਟ ਨੇਸ਼ਨਜ਼ ਰਿਜ਼ਰਵਜ਼ 'ਚ ਕੋਵਿਡ-19 ਦੇ 185 ਪਾਜ਼ਿਟਿਵ ਮਾਮਲੇ
ਕੈਨੇਡਾ 'ਚ 13 ਮਈ ਤੱਕ ਫਰਸਟ ਨੇਸ਼ਨਜ਼ ਰਿਜ਼ਰਵਜ਼ (First Nations reserves) ਵਿੱਚ ਕੋਵਿਡ-19 ਦੇ 185 ਪਾਜ਼ਿਟਿਵ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਇਸਦੇ ਵਿੱਚ 2 ਲੋਕਾਂ ਨੇ ਦਮ ਤੋੜ ਦਿੱਤਾ ਜਦਕਿ 63% ਲੋਕ ਰਿਕਵਰ ਕਰਨ 'ਚ ਕਾਮਯਾਬ ਰਹੇ। ਇੰਡਿਜਿਨਸ ਸਰਵਿਸਿਜ਼ ਕੈਨੇਡਾ (Indigenous Services Canada) ਦੇ ਚੀਫ ਮੈਡਿਕਲ ਅਫਸਰ, ਡਾ. ਟੌਮ ਵੌਂਗ ਦਾ ਕਹਿਣਾ ਹੈ ਕਿ, ਮੌਤਾਂ ਦੀ ਗਿਣਤੀ (fatality rate) ਬਾਕੀ ਦੇ ਕੈਨੇਡਾ ਦੇ ਅੰਕੜਿਆਂ ਦੇ ਮੁਕਾਬਲੇ ਬੇਹੱਦ ਘੱਟ ਹੈ। ਹਾਲਾਂਕਿ ਉਨ੍ਹਾਂ ਮੰਨਿਆ ਕਿ ਇਹ ਗਿਣਤੀਆਂ ਸਿਰਫ ਉਨ੍ਹਾਂ ਇੰਡੀਜਨਸ ਲੋਕਾਂ ਨਾਲ ਸੰਬੰਧਤ ਹਨ, ਜੋ ਕਿ ਰਿਜ਼ਰਵਜ਼ ਨਾਲ ਸੰਬੰਧਤ ਹਨ, ਅਤੇ ਇਸ ਮਾਮਲੇ 'ਚ ਹੋਰ ਸਪਸ਼ਟ ਅੰਕੜੇ ਉਜਾਗਰ ਕਰਨ ਲਈ ਸੂਬਿਆਂ ਦੀ ਮਦਦ ਦੀ ਲੋੜ ਹੋਵੇਗੀ।
ਇੰਡੀਜਨਸ ਕਮਿਊਨਟੀਜ਼ ਨੂੰ ਵਧੇਰੇ ਵਿੱਤੀ ਮਦਦ
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਆਪਣੇ ਹਰ ਰੋਜ਼ ਦੇ ਸੰਬੋਧਨ ਦੇ ਦੌਰਾਨ ਦੱਸਿਆ ਕਿ, ਇੰਡੀਜਨਸ ਭਾਈਚਾਰਿਆਂ (indigenous communities) ਦੇ ਲਈ ਵਧੇਰੇ ਰਾਹਤ ਰਾਸ਼ੀ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਟਰੂਡੋ ਨੇ ਕਿਹਾ ਕਿ ਇਨੁਇਟ ਅਤੇ ਮੈਟਿਸ (Inuit and Metis) ਦੇ ਵਿਦਿਆਰਥੀਆਂ ਦੀ ਮਦਦ ਲਈ ਅਤੇ ਇੰਡੀਜਨਸ ਵਪਾਰਾਂ ਦੀ ਮਦਦ ਲਈ ਹੋਰ ਰਕਮ ਦਿੱਤੀ ਜਾਵੇਗੀ। ਇਸਤੋਂ ਅਲਾਵਾ ਉਨ੍ਹਾਂ ਦੱਸਿਆ ਕਿ ਘਰੇਲੂ ਹਿੰਸਾ ਦਾ ਸਾਹਮਣਾ ਕਰ ਰਹੀਆਂ ਔਰਤਾਂ ਅਤੇ ਬੱਚਿਆਂ ਨੂੰ ਸਹਿਯੋਗ ਸੇਵਾਵਾਂ ਅਤੇ ਸ਼ੈਲਟਰ ਪ੍ਰਦਾਨ ਕਰਨ ਲਈ ਵੀ ਫ਼ੰਡ ਪ੍ਰਦਾਨ ਕੀਤੇ ਜਾ ਰਹੇ ਹਨ।
