13.52C Vancouver 13.52C VancouverOct 22, 2021 10:28 PM - The Canadian Press
ਬੀ.ਸੀ. ਕੋਰੋਨਰਸ ਸਰਵਿਸ ਦਾ ਕਹਿਣਾ ਹੈ ਕਿ ਨੌਰਦਰਨ ਇੰਟੀਰੀਅਰ ਦੇ ਪੇਂਡੂ ਇਲਾਕੇ 'ਚ ਪੁਲਿਸ ਦੀ ਗੋਲੀ ਕਾਰਨ ਹੋਈ 2 ਲੋਕਾਂ ਦੀ ਮੌਤ ਦੇ ਮਾਮਲੇ 'ਚ ਇੰਕਵੈਸਟ ਕੀਤੀ ਜਾਵੇਗੀ।
ਘਟਨਾ ਕਰੀਬ 5 ਸਾਲ ਪਹਿਲਾਂ ਵਾਪਰੀ ਸੀ ਅਤੇ ਕਥਿਤ ਤੌਰ 'ਤੇ ਪੁਲਿਸ ਨਾਲ ਕਿਸੇ ਪ੍ਰਕਾਰ ਦੀ ਝੜਪ ਤੋਂ ਬਾਅਦ ਗੋਲੀ ਚਲਾਈ ਗਈ ਸੀ।
ਘਟਨਾ ਸਮੀਦਰਸ ਦੇ ਇਲਾਕੇ ਕੋਲ ਬੇਬੀਨ ਲੇਕ ਕੋਲ ਵਾਪਰੀ ਸੀ।
ਘਟਨਾ 'ਚ 39 ਸਾਲਾ ਜੋਵਨ ਵਿਲੀਅਮਸ ਅਤੇ ਉਸ ਦੀ 73 ਸਾਲਾ ਮਾਂ ਸ਼ਰਲੀ ਵਿਲੀਅਮਸ ਦੀ ਮੌਤ ਹੋ ਗਈ ਸੀ।
ਪੁਲਿਸ ਵੱਲੋਂ ਮੌਕੇ 'ਤੇ ਉਸ ਵੇਲੇ ਪਹੁੰਚ ਕੀਤੀ ਗਈ ਸੀ ਜਦ ਕਥਿਤ ਤੌਰ 'ਤੇ ਇੱਕ ਬੰਦੂਕ ਲੈਕੇ ਗੁਆਂਢੀਆਂ ਨਾਲ ਕਿਸੇ ਪ੍ਰਕਾਰ ਦੀ ਤਕਰਾਰ ਜਾਰੀ ਸੀ।
ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਵੱਲੋਂ ਅਫ਼ਸਰਾਂ ਨੂੰ ਕਿਸੇ ਪ੍ਰਕਾਰ ਦੀ ਗਲਤ ਗਤੀਵਿਧੀ ਦੇ ਮਾਮਲੇ 'ਚ ਕਲੀਅਰ ਕਰ ਦਿੱਤਾ ਗਿਆ ਸੀ।
ਇਸ ਮਾਮਲੇ 'ਚ ਇੰਕਵੈਸਟ ਬੀਤੇ ਸਾਲ ਜੂਨ 'ਚ ਹੋਣੀ ਸੀ ਪਰ ਪੈਂਡੈਮਿਕ ਵਿਚਾਲੇ ਇਸ 'ਚ ਦੇਰੀ ਹੋਈ। ਹੁਣ ਨਵੰਬਰ ਦੇ ਪਹਿਲੇ ਹਫ਼ਤੇ 'ਚ ਇੰਕਵੈਸਟ ਹੋਵੇਗੀ।
