14.2C Vancouver 14.2C VancouverMay 18, 2020 8:30 PM -
ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਨੇ ਅੱਜ ਦੱਸਿਆ ਕਿ ਮੌਂਟਰੀਅਲ ਦੇ ਇਲਾਕੇ 'ਚ ਡੇਕੇਅਰਜ਼ (daycares) ਨੂੰ 1 ਜੂਨ ਤੋਂ ਖੋਲ੍ਹਣ ਲਈ ਹਰੀ ਬੱਤੀ ਵਿਖਾ ਦਿੱਤੀ ਗਈ ਹੈ।
ਇਲਾਕੇ 'ਚ ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਦੀ ਵੱਡੀ ਗਿਣਤੀ ਵਿਚਾਲੇ, ਪਹਿਲਾਂ ਡੇਕੇਅਰਜ਼ ਨੂੰ ਖੋਲ੍ਹਣ ਦੀ ਮਿਤੀ ਟਾਲ ਦਿੱਤੀ ਗਈ ਸੀ।
ਪ੍ਰੀਮਿਅਰ ਲੈਗੌਲਟ ਨੇ ਦੱਸਿਆ ਕਿ ਨਵੇਂ ਉਜਾਗਰ ਹੋਏ ਮਾਮਲਿਆਂ ਦੀ ਘੱਟਦੀ ਗਿਣਤੀ ਦੇ ਚਲਦਿਆਂ ਹੁਣ 25 ਮਈ ਤੋਂ ਸੂਬੇ ਦੇ ਸਟੋਰ ਲੋਕਾਂ ਲਈ ਖੁੱਲ੍ਹ ਸਕਣਗੇ।
ਸੂਬੇ 'ਚ ਹੁਣ ਤੱਕ 43,627 ਵਾਇਰਸ ਸੰਬੰਧੀ ਮਾਮਲੇ ਸਾਹਮਣੇ ਆਏ ਹਨ।
ਦੂਜੇ ਪਾਸੇ ਸੂਬੇ 'ਚ 34 ਹੋਰ ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਇਹ 12 ਅਪ੍ਰੈਲ ਤੋਂ ਬਾਅਦ ਕਿਊਬੈਕ 'ਚ ਸਾਹਮਣੇ ਆਇਆ, ਵਾਇਰਸ ਪੀੜਤਾਂ ਦੀ ਮੌਤ ਦਾ ਸਭ ਤੋਂ ਛੋਟਾ ਅੰਕੜਾ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ 707 ਨਵੇਂ ਮਾਮਲੇ ਸਾਹਮਣੇ ਆਏ ਦੱਸੇ ਗਏ ਹਨ।
ਸੂਬੇ 'ਚ ਵਾਇਰਸ ਕਾਰਨ ਜਾਨ ਗਵਾਉਣ ਵਾਲੇ ਲੋਕਾਂ ਦੀ ਗਿਣਤੀ 3,596 ਤੱਕ ਪਹੁੰਚ ਚੁੱਕੀ ਹੈ।
