13.46C Vancouver 13.46C VancouverMar 24, 2021 8:35 PM -
ਬੀ.ਸੀ. ਕੋਰੋਨਰਸ ਸਰਵਿਸ ਨੇ ਫਰਵਰੀ ਮਹੀਨੇ ਦੇ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਸਾਂਝੇ ਕੀਤੇ ਹਨ।
ਸੂਬੇ 'ਚ ਸਾਲ ਦੇ ਦੂਜੇ ਮਹੀਨੇ ਦੌਰਾਨ 155 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਇਹ ਫਰਵਰੀ ਮਹੀਨੇ 'ਚ ਕਿਸੇ ਵੀ ਸਾਲ ਰਿਪੋਰਟ ਹੋਈਆਂ ਮੌਤਾਂ ਦਾ ਰਿਕਾਰਡਤੋੜ ਅੰਕੜਾ ਹੈ।
ਇਹ ਸੂਬੇ 'ਚ ਲਗਾਤਾਰ 11ਵਾਂ ਮਹੀਨਾ ਹੈ ਜਦ ਓਵਰਡੋਜ਼ ਸੰਬੰਧੀ 100 ਤੋਂ ਵਧੇਰੇ ਮੌਤਾਂ ਰਿਪੋਰਟ ਹੋਈਆਂ ਹਨ।
ਫਰਵਰੀ 2020 ਦੇ ਮੁਕਾਬਲੇ ਇਸ ਨੂੰ ਮੌਤਾਂ 'ਚ 107% ਦਾ ਵਾਧਾ ਦੱਸਿਆ ਗਿਆ ਹੈ।
ਬੀ.ਸੀ. ਦੀ ਚੀਫ਼ ਕੋਰੋਨਰ, ਲੀਜ਼ਾ ਲਾਪੌਇਂਟ ਦਾ ਕਹਿਣਾ ਹੈ ਕਿ ਫਰਵਰੀ 'ਚ ਹੋਈਆਂ ਓਵਰਡੋਜ਼ ਸੰਬੰਧੀ ਮੌਤਾਂ ਤੋਂ ਗੈਰਕਨੂੰਨੀ ਡਰੱਗਸ ਕਾਰਨ ਪਬਲਿਕ ਹੈਲਥ ਅਤੇ ਸੁਰੱਖਿਆ ਲਈ ਖੜੇ ਹੋਏ ਖਤਰੇ ਦੀ ਤਸਵੀਰ ਵਿਖਾਈ ਦਿੰਦੀ ਹੈ।
ਸਾਲ 2020 'ਚ 1,724 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ ਸੀ।
ਔਸਤ ਅਨੁਸਾਰ ਸਾਲ 2020 'ਚ ਹਰ ਰੋਜ਼ ਓਵਰਡੋਜ਼ ਕਾਰਨ 4.7 ਜਾਨਾਂ ਗਈਆਂ ਸਨ।
ਇਸ ਸਾਲ ਦੇ ਪਹਿਲੇ 2 ਮਹੀਨਿਆਂ ਦੀ ਇਸੇ ਔਸਤ ਦਾ ਅੰਕੜਾ 5.5 ਦਾ ਹੈ।
