20.68C Vancouver 20.68C VancouverFeb 2, 2024 4:25 PM - The Connect News
ਅਮਰੀਕਾ ਵਿਚ ਇੱਕ ਹੋਰ ਭਾਰਤੀ ਸਟੂਡੈਂਟ ਦੀ ਮੌਤ ਹੋਈ ਹੈ, ਇਕ ਮਹੀਨੇ ਵਿਚ ਇਹ ਅਜਿਹਾ ਚੌਥਾ ਮਾਮਲਾ ਹੈ। ਤਾਜ਼ਾ ਘਟਨਾ ਓਹੀਓ ਵਿਚ ਹੋਈ ਹੈ।
ਨਿਊਯਾਰਕ ਸਥਿਤ ਭਾਰਤੀ ਕੌਂਸਲੇਟ ਜਨਰਲ ਨੇ ਸ਼੍ਰੇਅਸ ਰੈਡੀ ਨਾਮ ਦੇ ਸਟੂਡੈਂਟ ਦੀ ਮੌਤ ਹੋਣ ਦੀ ਜਾਣਕਾਰੀ ਦਿੱਤੀ। ਇਸ ਮਾਮਲੇ ਵਿਚ ਪੁਲਿਸ ਦੀ ਜਾਂਚ ਚੱਲ ਰਹੀ ਹੈ।
ਇਸ ਤੋਂ ਪਹਿਲਾਂ ਅਮਰੀਕਾ ਵਿਚ ਇੱਕ ਹੀ ਮਹੀਨੇ ਵਿਚ ਨੀਲ ਅਚਾਰੀਆ, ਵਿਵੇਕ ਸੈਣੀ ਅਤੇ ਅਕੁਲ ਧਵਨ ਨਾਮ ਦੇ ਸਟੂਡੈਂਟਸ ਦੀ ਮੌਤ ਹੋ ਚੁੱਕੀ ਹੈ। ਸ਼੍ਰੇਅਸ ਰੈਡੀ ਲਿੰਡਨਰ ਸਕੂਲ ਆਫ ਬਿਜ਼ਨਸ ਦਾ ਸਟੂਡੈਂਟ ਸੀ।
ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ 20 ਜਨਵਰੀ ਨੂੰ ਅਕੁਲ ਧਵਨ ਦੀ ਡੈੱਡ ਬੌਡੀਇਲੀਨੋਇਸ ਅਰਬਾਨਾ-ਚੈਂਪੇਨ ਯੂਨੀਵਰਸਿਟੀ ਦੇ ਬਾਹਰ ਮਿਲੀ ਸੀ।
ਪੋਸਟਮਾਰਟਮ ਰਿਪੋਰਟ ਮੁਤਾਬਕ, ਉਸ ਦੀ ਮੌਤ ਠੰਡ ਲੱਗਣ ਦੀ ਵਜ੍ਹਾ ਨਾਲ ਹੋਈ ਸੀ। ਰਿਪੋਰਟ ਵਿਚ ਕਿਹਾ ਕਿ ਅਕੁਲ ਦੀ ਮੌਤ ਦੀ ਵਜ੍ਹਾ ਹਾਈਪੋਥਰਮੀਆ ਸੀ, ਇਹ ਅਜਿਹੀ ਸਥਿਤੀ ਹੁੰਦੀ ਹੈ ਜਿਸ ਵਿਚ ਸਰੀਰ ਦਾ ਤਾਪਮਾਨ ਆਮ ਤੋਂ ਘੱਟ ਹੋ ਜਾਂਦਾ ਹੈ।
