12.54C Vancouver 12.54C VancouverDec 15, 2023 4:29 PM - The Canadian Press
ਬੀ ਸੀ ਕੋਰੋਨਰਜ਼ ਸਰਵਿਸ ਦਾ ਕਹਿਣਾ ਹੈ ਕਿ 2022 ਵਿੱਚ ਬੇਘਰ ਲੋਕਾਂ ਦੀਆਂ ਮੌਤਾਂ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ।
ਕੋਰੋਨਰ ਦਾ ਕਹਿਣਾ ਹੈ ਕਿ ਪਿਛਲੇ ਸਾਲ ਏਜੰਸੀ ਨੂੰ ਘੱਟੋ-ਘੱਟ 342 ਬੇਘਰ ਲੋਕਾਂ ਦੀਆਂ ਮੌਤਾਂ ਦੀ ਰਿਪੋਰਟ ਕੀਤੀ ਗਈ ਸੀ, ਜੋ ਪਿਛਲੇ ਦੋ ਸਾਲਾਂ ਵਿੱਚ 138 ਪ੍ਰਤੀਸ਼ਤ ਦੇ ਵਾਧੇ ਨੂੰ ਦਰਸਾਉਂਦੀ ਹੈ। ਬੀਸੀ ਕੋਰੋਨਰਜ਼ ਸਰਵਿਸ ਨੇ ਵੀਰਵਾਰ ਨੂੰ ਜਾਰੀ ਇੱਕ ਰੀਲੀਜ਼ ਵਿੱਚ ਦੱਸਿਆ 10 ਵਿੱਚੋਂ 9 ਮੌਤਾਂ ਓਵਰਡੋਜ਼ ਕਾਰਨ ਹੋਈਆਂ ਸਨ।
ਬੇਘਰ ਆਬਾਦੀ 'ਤੇ ਕੇਂਦ੍ਰਿਤ ਅੰਕੜੇ ਦਰਸਾਉਂਦੇ ਹਨ ਕਿ 2015 ਤੋਂ 2022 ਤੱਕ1464 ਮੌਤਾਂ ਹੋਈਆਂ ਹਨ। ਉਨ੍ਹਾਂ ਕਿਹਾ ਕਿ 2015-2022 ਦੀ ਮਿਆਦ ਦੌਰਾਨ ਸਭ ਤੋਂ ਵੱਧ ਮੌਤਾਂ ਵੈਨਕੂਵਰ 'ਚ 306, ਸਰੀ 'ਚ 146 ਅਤੇ ਵਿਕਟੋਰੀਆ ਵਿੱਚ 118 ਮੌਤਾਂ ਹੋਈਆਂ।
ਮਰਨ ਵਾਲੇ ਲਗਭਗ 74 ਪ੍ਰਤੀਸ਼ਤ ਲੋਕ 30 ਤੋਂ 59 ਸਾਲ ਦੀ ਉਮਰ ਦੇ ਸਨ ਅਤੇ 82 ਪ੍ਰਤੀਸ਼ਤ ਪੁਰਸ਼ ਸਨ।27 ਪ੍ਰਤੀਸ਼ਤ ਮੌਤਾਂ ਫਾਲ 'ਚ ਤੇ ਸਰਦੀਆਂ 'ਚ 26 ਪ੍ਰਤੀਸ਼ਤ ਮੌਤਾਂ ਹੋਈਆਂ ਹਨ।
