ਫਿਲੀਪੀਨਜ਼ ’ਚ ਆਏ ਭਿਆਨਕ ਤੂਫਾਨ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਹੋਈ 65

ਫਿਲੀਪੀਨਜ਼ ਵਿੱਚ ਮਨੀਲਾ ਦੇ ਦੱਖਣ ਵਿੱਚ ਸਥਿਤ ਇੱਕ ਸੂਬੇ ਵਿੱਚ ਖੰਡੀ ਤੂਫਾਨ ‘ਟਰਾਮੀ’ ਕਾਰਨ 33 ਲੋਕਾਂ ਦੀ ਮੌਤ ਹੋ ਗਈ। ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਜ਼ਮੀਨ ਖਿਸਕਣ ਕਾਰਨ ਮਾਰੇ ਗਏ। ਫਿਲੀਪੀਨ ਦੇ ਇਕ ਸੂਬਾਈ ਪੁਲਸ ਮੁਖੀ ਨੇ ਇਹ ਜਾਣਕਾਰੀ ਦਿੱਤੀ।

ਬਟਾਂਗਸ ਦੇ ਪੁਲਿਸ ਮੁਖੀ ਕਰਨਲ ਜੈਸਿੰਟੋ ਮਾਲੀਨਾਓ ਜੂਨੀਅਰ ਨੇ ਕਿਹਾ ਕਿ ਬਟਾਂਗਸ ਸੂਬੇ ਵਿੱਚ ਜ਼ਮੀਨ ਖਿਸਕਣ ਅਤੇ ਹੜ੍ਹਾਂ ਕਾਰਨ ਹੋਈਆਂ ਮੌਤਾਂ ਦੇ ਨਾਲ ਹੀ ‘ਟਰਾਮੀ’ ਤੂਫ਼ਾਨ ਵਿੱਚ ਮਰਨ ਵਾਲਿਆਂ ਦੀ ਕੁੱਲ ਗਿਣਤੀ 65 ਹੋ ਗਈ ਹੈ। ’ਟਰਾਮੀ’ ਤੂਫ਼ਾਨ ਸ਼ੁੱਕਰਵਾਰ ਨੂੰ ਉੱਤਰ-ਪੱਛਮੀ ਫਿਲੀਪੀਨਜ਼ ਵਿਚ ਆਇਆ ਸੀ। ਮਾਲੀਨਾਓ ਜੂਨੀਅਰ ਮੁਤਾਬਕ 11 ਹੋਰ ਪਿੰਡ ਵਾਸੀ ਲਾਪਤਾ ਹਨ।