10.49C Vancouver 10.49C VancouverJun 28, 2021 8:53 PM -
ਮਾਇਆਮੀ 'ਚ ਇੱਕ ਇਮਾਰਤ ਡਿੱਗਣ ਤੋਂ ਬਾਅਦ ਇੱਕ ਹੋਰ ਵਿਅਕਤੀ ਦਾ ਮ੍ਰਿਤ ਸ਼ਰੀਰ ਬਰਾਮਦ ਹੋਇਆ ਹੈ।
ਇਸ ਘਟਨਾ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 10 ਤਕ ਪਹੁੰਚ ਗਈ ਹੈ।
ਮਾਇਆਮੀ 'ਚ ਇੱਕ ਕੌਂਡੋ ਇਮਾਰਤ ਦੇ ਡਿੱਗਣ ਦੀ ਘਟਨਾ 'ਚ 151 ਲੋਕਾਂ ਦਾ ਹੁਣ ਤਕ ਕੁਝ ਪਤਾ ਨਹੀਂ ਲੱਗਿਆ ਹੈ।
ਇਸ 'ਚ 3 ਵੱਖਰੇ ਪਰਿਵਾਰਾਂ ਦੇ 4 ਕਨੇਡੀਅਨ ਵੀ ਸ਼ਾਮਿਲ ਹਨ।
ਐਤਵਾਰ ਨੂੰ ਜਿਹੜੇ ਲੋਕਾਂ ਦੇ ਮ੍ਰਿਤ ਸ਼ਰੀਰ ਮਿਲੇ ਸਨ ਉਨ੍ਹਾਂ ਚ ਲਿਓਨ ਅਤੇ ਕ੍ਰਿਸਟੀਨਾ ਓਲੀਕੋਵਿਕਸ ਸ਼ਾਮਿਲ ਸਨ।
ਇਸ ਤੋਂ ਇਲਾਵਾ ਪੁਏਰਟੋ ਰਿਕੋ ਦੇ ਲੁਈਸ ਬਰਮੁਡੇਸ ਅਤੇ ਉਨ੍ਹਾਂ ਦੀ ਮਾਂ ਐਨਾ ਔਰਟਿਸ ਦੇ ਅਵਸ਼ੇਸ਼ ਵੀ ਮਿਲੇ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਤਲਾਸ਼ ਅਭਿਆਨ ਰੋਕਿਆ ਨਹੀਂ ਜਾਵੇਗਾ ਅਤੇ ਹੁਣ ਵੀ ਲੋਕਾਂ ਦੇ ਜਿਉਂਦਿਆਂ ਮਿਲਣ ਦੀ ਆਸ ਮੁੱਕੀ ਨਹੀਂ ਹੈ।
ਇਹ ਘਟਨਾ ਵੀਰਵਾਰ ਸਵੇਰੇ ਵਾਪਰੀ ਸੀ।
ਘਟਨਾ 'ਚ ਇੱਕ 12 ਮੰਜ਼ਿਲਾ ਇਮਾਰਤ ਅਚਾਨਕ ਡਿੱਗ ਗਈ ਸੀ।
ਇਸ ਦੌਰਾਨ ਕੁਝ ਦੁੱਖਦਾਈ ਖਬਰਾਂ ਉਜਾਗਰ ਹੁੰਦੀਆਂ ਰਹੀਆਂ ਹਨ।
ਇਸੇ ਲੜੀ 'ਚ ਸ਼ੁੱਕਰਵਾਰ ਨੂੰ ਜਾਣਕਾਰੀ ਦਿੱਤੀ ਗਈ ਸੀ ਕਿ ਇੱਕ ਬੱਚੇ ਨੂੰ ਮਲਬੇ ਵਿੱਚੋਂ ਜਿਉਂਦੇ ਕੱਢਿਆ ਗਿਆ ਹੈ।
ਇਸ ਲੜਕੇ ਦਾ ਨਾਮ ਜੋਨਾਹ ਹੈਂਡਲਰ ਦੱਸਿਆ ਗਿਆ ਸੀ।
ਹਾਲਾਂਕਿ ਲੜਕੇ ਦੀ ਜਾਨ ਬਚਣ ਦੀ ਖੁਸ਼ੀ ਦੇ ਨਾਲ ਹੀ ਉਸ ਦੀ ਮਾਂ ਦੇ ਮਾਰੇ ਜਾਣ ਦੇ ਦੁੱਖ ਦੀ ਖਬਰ ਵੀ ਸਾਹਮਣੇ ਆਈ ਸੀ।
