13.08C Vancouver 13.08C VancouverNov 21, 2024 4:46 PM - Connect Newsroom
ਕੈਨੇਡਾ ਦੇ ਪ੍ਰਮੁੱਖ ਸ਼ਹਿਰਾਂ ਵਿਚ ਘਰ ਖਰੀਦਣ ਲਈ ਚਾਹੀਦੀ ਔਸਤ ਆਮਦਨ ਹੁਣ ਹੌਲੀ-ਹੌਲੀ ਘੱਟ ਹੋ ਰਹੀ ਹੈ। ਲੇਟਸਟ ਡੇਟਾ ਮੁਤਾਬਕ, ਪਿਛਲੇ ਕੁਝ ਮਹੀਨਿਆਂ ਵਿਚ ਕਈ ਸ਼ਹਿਰਾਂ ਵਿਚ ਅਚਲ ਜਾਇਦਾਦ ਦੀਆਂ ਕੀਮਤਾਂ ਘਟੀਆਂ ਹਨ, ਨਾਲ ਹੀ ਮੌਰਗੇਜ ਦਰਾਂ ਘੱਟ ਹੋ ਰਹੀਆਂ ਹਨ ਅਤੇ ਇਸ ਦੇ ਚੱਲਦੇ ਘਰ ਖਰੀਦਣ ਲਈ ਔਸਤ ਆਮਦਨ ਦੀ ਲੋੜ ’ਤੇ ਦਬਾਅ ਘੱਟ ਰਿਹਾ ਹੈ।
ਰੇਟ ਹੱਬਸੀਏ ਵਲੋਂ ਕੀਤੀ ਗਈ ਗਣਨਾ ਅਨੁਸਾਰ, ਵੈਨਕੂਵਰ, ਟੋਰਾਂਟੋ ਅਤੇ ਹੈਮਿਲਟਨ ਵਿਚ ਇੱਕ ਮਹੀਨਾਂ ਪਹਿਲਾਂ ਦੇ ਮੁਕਾਬਲੇ ਘਰ ਖਰੀਦਣ ਲਈ ਔਸਤ ਆਮਦਨ ਦੀ ਲੋੜ ਵਿਚ $4,000 ਤੋਂ ਵੱਧ ਦੀ ਕਮੀ ਆਈ ਹੈ।
ਰਿਪੋਰਟ ਮੁਤਾਬਕ, ਅਕਤੂਬਰ ਲਗਾਤਾਰ ਦੂਜਾ ਮਹੀਨਾ ਰਿਹਾ ਜਦੋਂ ਵੈਨਕੂਵਰ ਵਿਚ ਇੱਕ ਔਸਤ ਘਰ ਖਰੀਦਣ ਲਈ ਤਨਖਾਹ ਦੀ ਲੋੜ ਘੱਟ ਹੋਈ ਹੈ, ਟੋਰੌਂਟੋ ਵੀ ਇਸ ਦੇ ਠੀਕ ਪਿੱਛੇ ਹਨ। ਰਿਪੋਰਟ ਦਾ ਕਹਿਣਾ ਹੈ ਕਿ ਸਟੱਡੀ ਕੀਤੇ ਗਏ ਪ੍ਰਮੁੱਖ ਸ਼ਹਿਰਾਂ ਵਿਚੋਂ ਸਿਰਫ ਫਰੈਡਰਿਕਟਨ ਹੀ ਇੱਕ ਅਜਿਹਾ ਸ਼ਹਿਰ ਰਿਹਾ ਜਿੱਥੇ ਘਰ ਖਰੀਦਣ ਲਈ ਔਸਤ ਆਮਦਨ ਦੀ ਲੋੜ ਵਿਚ ਵਾਧਾ ਹੋਇਆ ਹੈ ਕਿਉਂਕਿ ਇੱਥੇ ਘਰਾਂ ਦੀ ਕੀਮਤ ਇਸ ਦੌਰਾਨ $16,100 ਵਧੀ।
ਰਿਪੋਰਟ ਮੁਤਾਬਕ, ਪਿਛਲੇ ਮਹੀਨੇ ਫਰੈਡਰਿਕਟਨ ਅਤੇ ਵਿਕਟੋਰੀਆ ਨੂੰ ਛੱਡ ਕੇ ਜ਼ਿਆਦਾਤਰ ਪ੍ਰਮੁੱਖ ਸ਼ਹਿਰਾਂ ਵਿਚ ਘਰਾਂ ਦੀਆਂ ਕੀਮਤਾਂ ਘੱਟ ਹੋਈਆਂ ਜਾਂ ਸਥਿਰ ਸਨ।
