ਦਿੱਲੀ ਵਿੱਚ ਕੋਵਿਡ-19 ਦੇ 85 ਨਵੇਂ ਮਾਮਲੇ, ਇਸ ਸਾਲ ਸਭ ਤੋਂ ਘੱਟ, ਸਰਗਰਮ ਲਾਗ ਦੇ ਮਾਮਲੇ ਘਟ ਕੇ ਹੋਏ 1,598

ਅਪ੍ਰੈਲ-ਮਈ ਵਿੱਚ ਕੋਵਿਡ-19 ਦੀ ਖ਼ਤਰਨਾਕ ਲਹਿਰ ਵੇਖਣ ਤੋਂ ਬਾਅਦ, ਦਿੱਲੀ ਵਿੱਚ ਕੋਰੋਨਾਵਾਇਰਸ ਦੇ ਨਵੇਂ ਮਾਮਲੇ ਘਟਦੇ ਜਾ ਰਹੇ ਹਨ ਅਤੇ ਬੀਤੇ 24 ਘੰਟਿਆਂ ਵਿੱਚ ਰਿਕਾਰਡ 85 ਨਵੇਂ ਮਾਮਲੇ ਦਰਜ ਹੋਏ ਹਨ, ਜੋ ਇਸ ਸਾਲ ਇੱਕ ਦਿਨ ਵਿੱਚ ਸਭ ਤੋਂ ਘੱਟ ਹਨ।

ਕੋਵਿਡ-19 'ਤੇ ਦਿੱਲੀ ਸਰਕਾਰ ਵੱਲੋਂ ਜਾਰੀ ਕੀਤੇ ਸਿਹਤ ਬੁਲੇਟਿਨ ਮੁਤਾਬਕ, ਬੀਤੇ 24 ਘੰਟਿਆਂ ਦੌਰਾਨ ਕੀਤੇ 72,920 ਟੈਸਟਾਂ ਦੌਰਾਨ, ਪੌਜ਼ਿਟਿਵਿਟੀ ਦਰ 0.12 ਹੈ, ਜੋ ਸਭ ਤੋਂ ਘੱਟ ਹੈ।

ਇਸਦੇ ਨਾਲ ਹੀ 158 ਮਰੀਜ਼ ਸਿਹਤਯਾਬ ਹੋਏ ਹਨ, ਸਰਗਰਮ ਲਾਗ ਦੇ ਮਾਮਲੇ ਵੀ ਘਟਕੇ 1,598 ਹੋ ਗਏ ਹਨ, ਜੋ ਇਸ ਸਾਲ 3 ਮਾਰਚ ਤੋਂ ਬਾਅਦ ਸਭ ਤੋਂ ਘੱਟ ਹਨ।

ਕੌਮੀ ਰਾਜਧਾਨੀ ਵਿੱਚ ਮਾਮਲੇ 14,33,675 ਹੋ ਗਏ ਹਨ ਅਤੇ ਮੌਤਾਂ ਦਾ ਅੰਕੜਾ 24,961 ਹੋ ਗਿਆ ਹੈ।

ਹੁਣ ਸਿਰਫ਼ 494 ਮਰੀਜ਼ ਹੀ ਘਰ ਵਿੱਚ ਇਕਾਂਤਵਾਸ ਹਨ।

ਹੁਣ ਪੌਜ਼ਿਟਿਵਿਟੀ ਦਰ 6.76 ਫ਼ੀਸਦ ਹੈ ਅਤੇ ਮਾਰੂ ਦਰ ਡਿੱਗ ਕੇ 1.74 ਫ਼ੀਸਦ ਹੋ ਗਈ ਹੈ।

ਬੀਤੇ 24 ਘੰਟਿਆਂ ਦੌਰਾਨ 50,39 ਅਰਟੀਪੀਸੀਆਰ/ਸੀਬੀਐੱਨਏਏਟੀ/ਟਰੂ ਨੈਟ ਟੈਸਟ ਅਤੇ 22,091 ਰੈਪਿਡ ਐਂਟੀਜੈਨ ਟੈਸਟ ਕੀਤੇ ਗਏ ਹਨ।

ਇਸ ਤਰਾਂ ਕੁਲ 2,12,03,679 ਟੈਸਟ ਕੀਤੇ ਜਾ ਚੁੱਕੇ ਹਨ। ਹੁਣ ਕੁਲ ਰੋਕਥਾਮ ਖੇਤਰ 1.817 ਹਨ।

ਬੁਲੇਟਿਨ ਮੁਤਾਬਕ, ਬੀਤੇ 24 ਘੰਟਿਆਂ ਵਿੱਚ 1,66,310 ਯੋਗ ਲਾਭਪਾਤਰੀਆਂ ਨੂੰ ਟੀਕੇ ਲਾਏ ਗਏ ਹਨ, ਜਦਕਿ 71,29,002 ਲਾਭਪਾਤਰੀਆਂ ਦਾ ਟੀਕੇ ਰਾਹੀਂ ਇਲਾਜ ਕੀਤਾ ਗਿਆ ਹੈ ।

ਦੱਸਣਯੋਗ ਹੈ ਕਿ ਦਿੱਲੀ ਸਰਕਾਰ ਨੇ ਕੌਮੀ ਰਾਜਧਾਨੀ ਵਿੱਚ 19 ਅਪ੍ਰੈਲ ਨੂੰ ਤਾਲਾਬੰਦੀ ਕੀਤੀ ਸੀ, ਜਦੋਂ ਕੋਵਿਡ-19 ਦੀ ਦੂਜੀ ਲਹਿਰ ਆਪਣੇ ਸਿਖਰ 'ਤੇ ਸੀ। ਓਦੋਂ ਤੋਂ ਹੀ ਤਾਲਾਬੰਦੀ ਨੂੰ ਕਈ ਵਾਰੀ ਵਧਾਇਆ ਗਿਆ ਸੀ।

ਕੋਰੋਨਾਵਾਇਰਸ ਦੇ ਮਾਮਲਿਆਂ ਵਿੱਚ ਕਈ ਦਿਨਾਂ ਤੋਂ ਲਗਾਤਾਰ ਕਮੀ ਆਉਣ ਕਰਕੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ 31 ਮਈ ਨੂੰ ਪੜਾਅਵਾਰ ਪਾਬੰਦੀਆਂ ਵਿੱਚ ਢਿੱਲ ਦੇਣ ਦਾ ਐਲਾਨ ਕੀਤਾ ਸੀ।

ਦਿੱਲੀ ਵਿੱਚ, ਬੀਤੇ ਸਾਲ ਮਹਾਮਾਰੀ ਸ਼ੁਰੂ ਹੋਣ ਵੇਲੇ ਤੋਂ ਲੈਕੇ 20 ਅਪ੍ਰੈਲ ਨੂੰ ਕੋਰੋਨਾਵਾਇਰਸ ਦੇ ਸਭ ਤੋਂ ਵੱਧ 28,395 ਮਾਮਲੇ ਦਰਜ ਕੀਤੇ ਗਏ ਸਨ।

26 ਅਪ੍ਰੈਲ ਨੂੰ ਸ਼ਹਿਰ ਵਿੱਚ ਸਭ ਤੋਂ ਵੱਧ ਪੌਜ਼ਿਟਿਵਿਟੀ ਦਰ 36.24 ਫ਼ੀਸਦ ਰਜਿਸਟਰ ਕੀਤੀ ਗਈ ਸੀ।