23.93C Vancouver 23.93C VancouverJan 25, 2023 10:26 PM - The Canadian Press
ਡੈਲਟਾ 'ਚ ਪੁਲਿਸ ਨੇ ਸਪਸ਼ਟ ਨਹੀਂ ਕੀਤਾ ਹੈ ਕਿ ਸੋਮਵਾਰ ਨੂੰ ਐਲੇਕਸ ਫਰੇਜ਼ਰ ਬ੍ਰਿਜ 'ਤੇ ਇੱਕ ਆਦਮੀ ਦੇ ਛਾਲ ਮਾਰਨ ਦੀ ਕੋਸ਼ਿਸ਼ ਦੌਰਾਨ ਕੁਝ ਲੋਕਾਂ ਵੱਲੋਂ ਵਿਘਨ ਪਾਉਣ ਦੇ ਮਾਮਲੇ 'ਚ ਦੋਸ਼ ਤੈਅ ਕੀਤੇ ਜਾਣਗੇ ਜਾਂ ਨਹੀਂ।
ਵਿਘਨ ਪਾਉਣ ਸੰਬੰਧੀ ਮਾਮਲਾ ਅਜਿਹੇ ਲੋਕਾਂ ਨਾਲ ਜੁੜਿਆ ਹੈ ਜੋ ਉਨ੍ਹਾਂ ਅਫਸਰਾਂ ਨੂੰ ਵਿਘਨ ਪਾ ਰਹੇ ਸਨ ਜੋ ਮਾਨਸਿਕ ਸਿਹਤ ਨਾਲ ਜੂਝਦੇ ਪੁਲ ਤੋਂ ਛਾਲ ਮਾਰਨ ਦੀ ਕੋਸ਼ਿਸ਼ ਕਰਦੇ ਵਿਅਕਤੀ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਪੁਲ 'ਤੇ ਰੋਕੇ ਗਏ ਕੁਝ ਚਾਲਕਾਂ ਨੇ ਬ੍ਰਿਜ ਦੇ ਡੈਕ ਤੱਕ ਪਹੁੰਚ ਕੀਤੀ ਸੀ ਅਤੇ ਨੈਗੋਸ਼ੀਏਸ਼ਨਸ 'ਚ ਅੜਿੱਕੇ ਪੇਸ਼ ਕੀਤੇ ਸਨ ਅਤੇ ਪੁਲ 'ਤੇ ਖੜੇ ਮਾਨਸਿਕ ਤਣਾਅ ਵਾਲੇ ਵਿਅਕਤੀ ਦੀ ਵੀਡੀਓ ਬਣਾਉਣ ਲੱਗੇ ਸਨ ਅਤੇ ਤਸਵੀਰਾਂ ਖਿੱਚ ਰਹੇ ਸਨ।
ਕੁਝ ਲੋਕਾਂ ਨੇ ਹੌਂਕ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ਅਤੇ ਸ਼ੋਰ ਮਚਾਇਆ ਸੀ।
ਜਾਣਕਾਰੀ ਦਿੱਤੀ ਗਈ ਕਿ ਇੱਕ ਵਾਹਨ ਚਾਲਕ ਨੇ ਐਮਰਜੈਂਸੀ ਵਾਹਨਾਂ ਦੀ ਪਰਵਾਹ ਨਾ ਕਰਦਿਆਂ ਗੱਡੀ ਕੱਢਣ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਇੱਕ ਵਾਹਨ ਨੇ ਬੈਰੀਕੇਡਸ ਕੋਲੋਂ ਗੱਡੀ ਕੱਢੀ ਸੀ ਅਤੇ ਪਤਾ ਲੱਗਿਆ ਸੀ ਕਿ ਵਾਹਨ ਚਾਲਕ ਇੰਪੇਅਰਡ ਸੀ।
ਪੁਲਿਸ ਚੀਫ਼ ਨੀਲ ਡੁਬੋਰਡ ਨੇ ਕਿਹਾ ਕਿ ਸੰਕਟ ਦਾ ਸਾਹਮਣਾ ਕਰ ਰਿਹਾ ਵਿਅਕਤੀ ਸੁਰੱਖਿਅਤ ਪੁਲ ਤੋਂ ਉਤਾਰ ਲਿਆ ਗਿਆ ਸੀ ਅਤੇ ਉਸ ਨੂੰ ਮੈਡਿਕਲ ਮਦਦ ਪ੍ਰਦਾਨ ਕੀਤੀ ਗਈ ਸੀ।
