18.12C Vancouver 18.12C VancouverJul 27, 2021 8:20 AM -
ਸਥਾਨਕ ਅਧਿਕਾਰੀਆਂ ਨੇ ਅੱਜ ਮੰਗਲਵਾਰ ਨੂੰ ਆਖਿਆ ਹੈ ਕਿ ਪੂਰਬੀ ਚੀਨ ਦੇ ਸੂਬੇ ਜਾਂਗਸੁ ਦੀ ਰਾਜਧਾਨੀ ਨਾਨਜਿੰਗ ਵਿੱਚ ਕੋਵਿਡ-19 ਮਾਮਲਿਆਂ ਦੇ ਸਮੂਹਾਂ ਦੇ ਤਾਜ਼ਾ ਸਟ੍ਰੇਨ ਦੇ ਪਿੱਛੇ ਸਭ ਤੋਂ ਵੱਧ ਲਾਗ ਵਾਲਾ ਡੈਲਟਾ ਰੂਪ ਪਾਇਆ ਗਿਆ ਹੈ।
ਸ਼ਹਿਰ ਦੇ ਰੋਗ ਕਾਬੂ ਅਤੇ ਰੋਕਥਾਮ ਸੈਂਟਰ ਦੇ ਸਹਿ-ਨਿਰਦੇਸ਼ਕ, ਡਿੰਗ ਜੀ ਨੇ ਇੱਕ ਪ੍ਰੈੱਸ ਕਾਨਫਰੈਂਸ ਦੌਰਾਨ ਆਖਿਆ ਕਿ ਸ਼ਹਿਰ ਵਿੱਚ ਲਾਗ ਦੇ ਹੁਣ ਦੇ ਵਧੇ ਮਾਮਲੇ ਇੱਕ ਖ਼ਾਸ ਥਾਂ 'ਤੇ ਹੀ ਵੱਧ ਵੇਖੇ ਗਏ ਆਖੇ ਜਾ ਸਕਦੇ ਹਨ ਅਤੇ ਇਹ ਵਾਕਿਆ ਹੀ ਬਹੁਤ ਜ਼ਿਆਦਾ ਛੂਤਕਾਰੀ ਹਨ।
ਜ਼ਿਕਰਯੋਗ ਹੈ ਕਿ 9.3 ਮਿਲੀਅਨ ਦੀ ਅਬਾਦੀ ਵਾਲੇ ਇਸ ਵੱਡੇ ਸ਼ਹਿਰ ਨਾਨਜਿੰਗ ਵਿੱਚ, ਜਦੋਂ ਤੋਂ ਬੀਤੇ ਹਫ਼ਤੇ ਹਵਾਈ-ਅੱਡੇ ਦੇ ਕੁਝ ਕਾਮੇ ਇਸ ਲਾਗ ਨਾਲ ਪੀੜਤ ਹੋਏ ਹਨ, ਉਦੋਂ ਤੋਂ ਹੀ ਕੋਵਿਡ-19 ਦੇ ਮਾਮਲੇ ਹਰ ਰੋਜ਼ ਸਥਾਨਕ ਪੱਧਰ 'ਤੇ ਵਧ ਰਹੇ ਹਨ।
ਇਸ ਲਈ ਹੁਣ ਨਿਊਕਲਿਕ ਐਸਿਡ ਪ੍ਰੀਖਣ ਦਾ ਦੂਜਾ ਗੇੜ ਸ਼ੁਰੂ ਕਰ ਦਿੱਤਾ ਗਿਆ ਹੈ ਅਤੇ ਸ਼ਹਿਰ ਵਾਸੀਆਂ ਨੂੰ, ਬਹੁਤ ਜ਼ਰੂਰੀ ਹੋਣ 'ਤੇ ਹੀ, ਸ਼ਹਿਰ ਤੋਂ ਬਾਹਰ ਜਾਣ ਦੀ ਬੇਨਤੀ ਕੀਤੀ ਗਈ ਹੈ।
