13.42C Vancouver 13.42C VancouverApr 8, 2020 2:00 PM -
ਕੈਨੇਡਾ ਦੇ ਡਿਪਟੀ ਮਨਿਸਟਰ ਆਫ ਫਾਰਨ ਅਫੇਅਰਜ਼ ਦਾ ਕੋਵਿਡ -19 ਟੈਸਟ ਪਾਜ਼ੇਟਿਵ ਆਇਆ ਹੈ।
ਮਾਰਟਾ ਮੋਰਗਨ ਇਸ ਵਿਭਾਗ ਦੇ ਉੱਚ ਅਫਸਰ ਹਨ ਅਤੇ ਇਸ ਅਹੁਦੇ ਲਈ ਚੁਣੇ ਜਾਣ ਵਾਲੀ ਪਹਿਲੀ ਔਰਤ।
ਫੌਰਨ ਅਫੇਅਰਜ਼ ਮਨਿਸਟਰ ਫਰਾਂਸੂਆ-ਫਿਲਿਪ ਸ਼ੈਂਪੇਨ ਨੇ ਇਹ ਜਾਣਕਾਰੀ ਟਵਿੱਟਰ ਰਾਹੀਂ ਸਾਂਝੀ ਕੀਤੀ ਅਤੇ ਮੋਰਗਨ ਨੂੰ ਆਪਣੀ ਟੀਮ ਦਾ ਅਨਮੋਲ ਹਿੱਸਾ ਦੱਸਦਿਆਂ ਉਨ੍ਹਾਂ ਦੀ ਤੰਦਰੁਸਤੀ ਲਈ ਸ਼ੁਭ ਇਛਾਵਾਂ ਦਿੱਤੀਆਂ।
ਕਈ ਮੰਤਰੀਆਂ ਨੇ ਵਾਇਰਸ ਤੋਂ ਬਚਾਅ ਲਈ ਆਪਣੇ ਆਪ ਨੂੰ ਇਕੱਲਤਾ ਵਿੱਚ ਰੱਖਿਆ ਹੈ ਪਰ ਮੋਰਗਨ ਇਸ ਵਾਇਰਸ ਤੋਂ ਪੀੜਤ ਪਾਈ ਜਾਣ ਵਾਲੀ ਕਨੇਡੀਅਨ ਸਰਕਾਰ ਦੀ ਸਭ ਤੋਂ ਉੱਚ ਪੱਧਰ ਦੀ ਸ਼ਖ਼ਸੀਅਤ ਹਨ।
ਲਾਤਵੀਆ, ਯੂਕਰੇਨ ਅਤੇ ਪੋਲੈਂਡ ਦੀ ਫੇਰੀ ਤੋਂ ਬਾਅਦ, ਸ਼ੈਂਪੇਨ ਨੇ ਆਪ ਵੀ ਮਾਰਚ ਵਿੱਚ ਬਿਮਾਰ ਹੋਣ ਤੇ ਕੋਵਿਡ-19 ਲਈ ਟੈਸਟ ਕੀਤਾ ਸੀ, ਪਰ ਉਨ੍ਹਾਂ ਦੇ ਨਤੀਜੇ ਨੈਗੇਟਿਵ ਆਏ ਸਨ।
