9.6C Vancouver 9.6C VancouverMar 26, 2020 7:26 PM -
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਦਾ ਕਹਿਣਾ ਹੈ ਕਿ ਅਮਰੀਕਾ ਵੱਲੋਂ ਉਠਾਇਆ ਗਿਆ ਕੈਨੇਡਾ ਅਮਰੀਕਾ ਬਾਰਡਰ 'ਤੇ ਮਿਲਟਰੀ ਭੇਜਣ ਦਾ ਕੋਈ ਵੀ ਕਦਮ, ਦੋਨਾਂ ਦੇਸ਼ਾਂ ਵਿਚਾਲੇ ਦੇ ਸੰਬੰਧ ਵਿਗਾੜਨ ਵਾਲਾ ਸਮਝਿਆ ਜਾਵੇਗਾ।
ਅਮਰੀਕਾ ਵੱਲੋਂ ਗੈਰਕਨੂੰਨੀ ਤਰੀਕੇ ਨਾਲ ਦੇਸ਼ 'ਚ ਮਾਈਗ੍ਰੈਂਟਸ ਦੇ ਦਾਖਿਲੇ ਨੂੰ ਰੋਕਣ ਲਈ ਅਜਿਹਾ ਕੀਤੇ ਜਾਣ ਦੀਆਂ ਖਬਰਾਂ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਦੋਨਾਂ ਦੇਸ਼ਾਂ ਵਿਚਾਲੇ ਅਮਰੀਕਾ ਦੇ ਇਸ ਕਦਮ ਨੂੰ ਲੈਕੇ ਚਰਚਾ ਹੋਈ ਹੈ।
ਫਰੀਲੈਂਡ ਨੇ ਕਿਹਾ ਕਿ ਕੈਨੇਡਾ ਨੇ ਵੱਖੋ ਵੱਖਰੇ ਪੱਧਰਾਂ 'ਤੇ ਆਪਣਾ ਸਟੈਂਡ ਸਪਸ਼ਟ ਕਰ ਦਿੱਤਾ ਹੈ ਕਿ ਅਜਿਹਾ ਕਰਨਾ ਗਲਤ ਅਤੇ ਬੇਲੋੜਾ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਮਿਲਟਰੀ ਰਹਿਤ ਬਾਰਡਰ, ਦੋਨਾਂ ਦੇਸ਼ਾਂ ਵਿਚਾਲੇ ਦੇ ਚੰਗੇ ਮਿਲਟਰੀ ਸੰਬੰਧਾਂ ਨੂੰ ਜਾਹਿਰ ਕਰਦਾ ਹੈ, ਅਤੇ ਇਸਨੂੰ ਜਾਰੀ ਰਹਿਣਾ ਚਾਹੀਦਾ ਹੈ।
