12.61C Vancouver 12.61C VancouverJun 19, 2020 10:32 PM -
ਕੈਨੇਡਾ ਦੀ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਚੀਨ ਵਿੱਚ ਜਸੂਸੀ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਦੋਨੋਂ ਕਨੇਡੀਅਨਜ਼ ਨੂੰ ਰਿਹਾਅ ਕਰਵਾਉਣਾ ਕੋਈ ਆਮ ਕੌਂਸੁਲਰ ਮਸਲਾ ਨਹੀਂ ਹੈ।
ਉਨ੍ਹਾਂ ਇਸ ਮਾਮਲੇ ਨੂੰ ਟਰੂਡੋ ਸਰਕਾਰ ਦੀ ਵਿਦੇਸ਼ ਨੀਤੀ ਲਈ ਤਰਜੀਹ ਦਾ ਮਸਲਾ ਦੱਸਿਆ।
ਫ੍ਰੀਲੈਂਡ ਨੇ ਅੱਜ ਮੰਗ ਕੀਤੀ ਕਿ ਚੀਨ ਨੂੰ ਮਾਈਕਲ ਕੋਵਰਿਗ ਅਤੇ ਮਾਈਕਲ ਸਪੇਵਰ ਲਈ ਕੌਂਸੁਲਰ ਪਹੁੰਚ ਵੀ ਪ੍ਰਦਾਨ ਕਰਨੀ ਚਾਹੀਦੀ ਹੈ।
ਡਿਪਟੀ ਪ੍ਰਧਾਨ ਮੰਤਰੀ ਨੇ ਇਨ੍ਹਾਂ ਖਬਰਾਂ ਨੂੰ ਨਿੱਜੀ ਪੱਧਰ 'ਤੇ ਗੁੱਸਾ ਪਹੁੰਚਾਉਣ ਵਾਲੀਆਂ ਦੱਸਿਆ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਦੋਨਾਂ ਕਨੇਡੀਅਨ ਲੋਕਾਂ 'ਤੇ ਦੋਸ਼ ਲਗਾਉਣ ਨੂੰ ਬੇਹੱਦ ਨਿਰਾਸ਼ ਕਰਨ ਵਾਲਾ ਕਦਮ ਦੱਸਿਆ ਹੈ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਵੱਲੋਂ ਹਰ ਜ਼ਰੂਰੀ ਕਦਮ ਉਠਾਏ ਜਾ ਰਹੇ ਹਨ, ਜਿਸ ਨਾਲ ਦੋਨਾਂ ਕਨੇਡੀਅਨਜ਼ ਦੀ ਰਿਹਾਈ ਕਰਵਾਈ ਜਾ ਸਕੇ।
ਯਾਦ ਰਹੇ ਸਾਬਕਾ ਕੂਟਨੀਤਕ ਮਾਇਕਲ ਕੋਵਰਿਗ 'ਤੇ ਬੀਜਿੰਗ 'ਚ ਰਾਸ਼ਟਰੀ ਸੀਕ੍ਰੇਟਸ ਅਤੇ ਇੰਟੈਲੀਜੈਂਸ ਦੀ ਜਸੂਸੀ ਦੇ ਇਲਜ਼ਾਮ ਲੱਗੇ ਹਨ।
ਉਦਯੋਗਪਤੀ ਮਾਈਕਲ ਸਪੈਵੋਰ 'ਤੇ ਜਸੂਸੀ ਅਤੇ ਗੈਰ ਕਨੂੰਨੀ ਢੰਗ ਨਾਲ ਰਾਸ਼ਟਰੀ ਸੀਕ੍ਰੇਟਸ ਦੀ ਸਪੁਰਦਗੀ ਦੇ ਇਲਜ਼ਾਮ ਲੱਗੇ ਹਨ।
