19.34C Vancouver 19.34C VancouverJul 21, 2021 4:43 PM -
ਯੂ. ਐਸ ਡਿਪਾਰਟਮੇਂਟ ਔਫ ਹੋਮਲੈਂਡ ਸੀਕਓਰਟੀ ਨੇ ਕੈਨੇਡਾ ਅਤੇ ਮੇਕਸਿਕੋ ਤੇ ਲੱਗੀਆਂ ਟ੍ਰੈਵਲ ਨਾਲ ਸੰਬੰਧਿਤ ਪਾਬੰਦੀਆਂ ਨੂੰ 30 ਹੋਰ ਦਿਨਾਂ ਲਈ ਵਧਾ ਦਿੱਤਾ ਹੈ।
ਸਭ ਤੋਂ ਪਹਿਲਾਂ ਰਓਟਰਸ ਵੱਲੋਂ ਰੀਪੋਰਟ ਕੀਤਾ ਗਿਆ ਇਹ ਫੈਸਲਾ ਓਸ ਵੇਲੇ ਲਿਆ ਗਿਆ ਹੈ ਜਦ ਕੈਨੇਡਾ ਦੀ ਸਰਕਾਰ ਨੇ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋ ਚੁੱਕੇ ਅਮਰੀਕਨਾਂ ਲਈ 9 ਅਗਸਤ ਤੋਂ ਆਪਣੇ ਦਰਵਾਜ਼ੇ ਖੋਲਣ ਦਾ ਐਲਾਨ ਹਾਲੇ ਕੁਝ ਦਿਨ ਪਹਿਲਾਂ ਹੀ ਕੀਤਾ ਹੈ।
ਇਹ ਹੈਰਾਨ ਕਰਨ ਵਾਲੀ ਗੱਲ ਇਸ ਲਈ ਵੀ ਨਹੀਂ ਹੈ ਕਿਓਂਕਿ ਪਬਲਿਕ ਸੇਫਟੀ ਮੰਤਰੀ ਬਿੱਲ ਬਲੇਯਰ ਨੇ ਸੋਮਵਾਰ ਨੂੰ ਕਿਹਾ ਸੀ ਕਿ ਹੋਮਲੈਂਡ ਸੀਕਓਰਟੀ ਸੇਕ੍ਰੇਟਰੀ ਅਲਹੇਂਡਰੋਂ ਮਾਓਰਕਸ ਨੇ ਉਹਨਾਂ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਜ਼ਰੂਰੀ ਨਹੀਂ ਕਿ ਅਮੇਰਿਕਾ ਵੀ ਕੈਨੇਡਾ ਵਾਂਗ ਫੈਸਲਾ ਲਵੇ।
ਬਾਰਡਰ ਦੇ ਮਾਹਰਾਂ ਦਾ ਕਹਿਣਾ ਹੈ ਕਿ ਬਾਈਡਨ ਸਰਕਾਰ ਇਸ ਸਮੇਂ ਮੇਕਸਿਕੋ ਦਾ ਬਾਰਡਰ ਰੈਫਊਜੀ ਸੰਕਟ ਕਰਕੇ ਨਹੀਂ ਖੋਲਣਾ ਚਾਹਉਂਦੀ ਅਤੇ ਦੋਵੇਂ ਬਾਰਡਰ ਇੱਕੋ ਵੇਲੇ ਖੋਲਣਾ ਚਾਹਉਂਦੀ ਹੈ। ਇਸ ਫੈਸਲਾ ਦਾ ਯੂ. ਐਸ ਵਿੱਚ ਉਹਨਾਂ ਆਲੋਚਕਾਂ ਅਤੇ ਕਨੂੰਨ ਘਾੜਿਆਂ ਨੇ ਵਿਰੋਧ ਕੀਤਾ ਹੈ ਜੋ ਮਾਰਚ 2020 ਤੋਂ ਲਾਗੂ ਪਾਬੰਦੀਆਂ ਨੂੰ ਹਟਾਉਣ ਦੇ ਹੱਕ ਵਿੱਚ ਸਨ।
ਨਿਉ ਯੋਰਕ ਦੇ ਬ੍ਰਾਇਨ ਹੀਂਗਿਨਸ ਨੇ ਕਿਹਾ ਕਿ ਉਹ ਇਸ ਫੈਸਲੇ ਤੋਂ ਨਾਖੁਸ਼ ਹਨ ਅਤੇ ਇਹ ਬੇਲੋੜਾ ਫੈਸਲਾ ਸੀ।
