17.18C Vancouver 17.18C VancouverJul 21, 2021 10:33 AM -
ਅੱਜ ਈਦ-ਉਲ-ਜੁਹਾ ਦੇ ਮੌਕੇ, ਅਹਿਮਦਾਬਾਦ ਦੀ ਜਾਮਾ ਮਸਜਿਦ ਵਿੱਚ ਨਮਾਜ਼ੀਆਂ ਵੱਲੋਂ ਕੋਵਿਡ-19 ਦੇ ਨਿਯਮਾਂ ਨੂੰ ਧਿਆਨ 'ਚ ਰੱਖਦਿਆਂ ਨਮਾਜ਼ ਅਦਾ ਕੀਤੀ ਗਈ।
ਇਸ ਸਾਲ ਬਕਰੀਦ ਮੌਕੇ ਜਾਮਾ ਮਸਜਿਦ ਵਿੱਚ ਬਹੁਤ ਵੱਡਾ ਇਕੱਠ ਨਹੀਂ ਵੇਖਿਆ ਗਿਆ।
ਮਸਜਿਦ ਦੇ ਇਮਾਮ ਸਾਹਬ ਨੇ ਆਖਿਆ,"ਅਸੀਂ ਅਲਾਹ ਦੇ ਸ਼ੁਕਰਗੁਜ਼ਾਰ ਹਾਂ ਕਿ ਬਹੁਤ ਸੀਮਤ ਗਿਣਤੀ ਵਿੱਚ ਈਦ ਮਨਾ ਰਹੇ ਹਾਂ। ਮੈਂ ਪੁਲਿਸ ਦਾ ਵੀ ਚੰਗੇ ਇੰਤੇਜ਼ਾਮਾਤ ਕਰਨ ਲਈ ਸ਼ੁਕਰੀਆ ਅਦਾ ਕਰਦਾ ਹਾਂ।"
ਅੱਜ ਈਦ-ਉਲ-ਜੁਹਾ ਮੌਕੇ ਪੂਰੇ ਮੁਲਕ ਵਿੱਚ ਕੋਵਿਡ-19 ਦੇ ਨਿਯਮਾਂ ਨੂੰ ਧਿਆਨ ਵਿੱਚ ਰੱਖਦਿਆਂ, ਨਮਾਜ਼ ਅਦਾ ਕੀਤੀ ਗਈ।
ਦੱਸਣਯੋਗ ਹੈ ਕਿ ਈਦ-ਉਲ-ਜੁਹਾ ਦੇ ਪਾਕ ਤਿਉਹਾਰ ਨੂੰ 'ਕੁਰਬਾਨੀ ਦਾ ਤਿਉਹਾਰ' ਜਾਂ ਵੱਡੀ ਈਦ ਵੀ ਆਖਿਆ ਜਾਂਦਾ ਹੈ, ਜਿਸਨੂੰ ਧੁ-ਅਲ-ਹਿਜਾਹ ਦੇ 10 ਵੇਂ ਦਿਨ, ਇਸਲਾਮਿਕ ਜਾਂ ਲੁਨਰ ਕੈਲੰਡਰ ਦੇ 12 ਵੇਂ ਦਿਨ ਮਨਾਇਆ ਜਾਂਦਾ ਹੈ।
ਈਦ ਕੁਰਬਾਨ ਜਾਂ ਕੁਰਬਾਨ ਬਾਇਆਰਮੀ ਆਖਿਆ ਜਾਣ ਵਾਲਾ ਇਹ ਦਿਨ, ਸਲਾਨਾ ਹੱਜ ਯਾਤਰਾ ਦਾ ਆਖ਼ਰੀ ਦਿਨ ਹੁੰਦਾ ਹੈ।
ਈਦ-ਉਲ-ਜੁਹਾ, ਸਾਲ ਦਾ ਦੂਜਾ ਇਸਲਾਮਿਕ ਤਿਉਹਾਰ ਹੁੰਦਾ ਹੈ ਅਤੇ ਈਦ-ਉਲ-ਫਿਤਰ ਤੋਂ ਬਾਅਦ ਆਉਂਦਾ ਹੈ, ਜੋ ਕਿ ਵਰਤ ਰੱਖਣ ਵਾਲੇ ਪਵਿੱਤਰ ਮਹੀਨੇ ਰਮਦਾਨ ਦਾ ਅਖੀਰ ਹੁੰਦਾ ਹੈ।
ਈਦ-ਅਲ-ਅਦਾਹ ਨੂੰ ਅਰਬੀ ਵਿੱਚ ਈਦ-ਉਲ-ਅਦਾਹ ਅਤੇ ਭਾਰਤੀ ਉਪ-ਮਹਾਂਦੀਪ ਵਿੱਚ ਬਕਰ-ਈਦ ਆਖਿਆ ਜਾਂਦਾ ਹੈ, ਕਿਉਂਕਿ ਇਸ ਦਿਨ ਬੱਕਰੇ ਦੀ ਕੁਰਬਾਨੀ ਦਿੱਤੀ ਜਾਂਦੀ ਹੈ।
ਇਸ ਤਿਉਹਾਰ ਨੂੰ ਭਾਰਤ ਵਿੱਚ ਰਵਾਇਤੀ ਤਰੀਕੇ ਬੜੇ ਜੋਸ਼ ਅਤੇ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ।
