ਬਰਨਬੀ ਵਿਚ ਇੱਕ ਹੀ ਕੰਪਨੀ ਦੇ ਦੋ ਟਰੱਕ ਡਰਾਈਵਰਾਂ ਨੂੰ ਲੱਗਾ $1,000 ਤੋਂ ਵੱਧ ਦਾ ਜੁਰਮਾਨਾ

ਬਰਨਬੀ ਵਿਚ ਇੱਕ ਹੀ ਕੰਪਨੀ ਦੇ ਦੋ ਟਰੱਕ ਡਰਾਈਵਰਾਂ ਨੂੰ ਦੋ ਮਹੀਨਿਆਂ ਦੇ ਫਰਕ ਵਿਚ ਵੱਡੇ ਚਾਲਾਨ ਦਾ ਸਾਹਮਣਾ ਕਰਨਾ ਪਿਆ ਹੈ। ਪੁਲਿਸ ਨੇ ਕਿਹਾ ਕਿ 3 ਜੁਲਾਈ ਨੂੰ ਇੱਕ ਟਰੱਕ ਡਰਾਈਵਰ ਨੂੰ ਕਮਜ਼ੋਰ ਡਰਾਈਵਿੰਗ ਨਾਲ ਸਬੰਧ $1,300 ਦਾ ਜੁਰਮਾਨਾ ਲੱਗਾ। Sobriety test ਵਿਚ ਫੇਲ੍ਹ ਹੋਣ 'ਤੇ ਡਰਾਈਵਰ ਨੂੰ 90 ਦਿਨਾਂ ਲਈ ਗੱਡੀ ਚਲਾਉਣ 'ਤੇ ਪਾਬੰਦੀ ਦਾ ਵੀ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਕੰਪਨੀ ਦੇ ਟਰੱਕ ਨੂੰ ਵੀ 30 ਦਿਨਾਂ ਲਈ ਜ਼ਬਤ ਕੀਤਾ ਗਿਆ।

ਪੁਲਿਸ ਨੇ ਕਿਹਾ ਕਿ ਲਗਭਗ ਦੋ ਮਹੀਨੇ ਪਹਿਲਾਂ ਉਸੇ ਕੰਪਨੀ ਦਾ ਇੱਕ ਹੋਰ ਡੰਪ ਟਰੱਕ ਡਰਾਈਵਰ ਵੀ ਇਸੇ ਟੈਸਟ ਵਿਚ ਫੇਲ੍ਹ ਹੋਇਆ ਸੀ। ਉਸ ਡਰਾਈਵਰ ਨੂੰ ਵੀ ਬਿਲਕੁਲ ਉਹੀ ਜੁਰਮਾਨਾ ਲਗਾਇਆ ਗਿਆ ਸੀ।

ਕਾਂਸਟੇਬਲ ਕੇਵਿਨ ਕੋਨੋਲੀ ਨੇ ਕਿਹਾ ਕਿ ਪੁਲਿਸ ਕੰਪਨੀ ਦਾ ਨਾਮ ਸਾਂਝਾ ਨਹੀਂ ਕਰ ਸਕਦੀ ਪਰ ਪੁਲਿਸ ਨੇ ਤਾਜ਼ਾ ਘਟਨਾ ਅਤੇ ਪਿਛਲੀ ਘਟਨਾ ਦੇ ਵੇਰਵੇ ਜਾਂਚ ਲਈ ਟਰਾਂਸਪੋਰਟੇਸ਼ਨ ਮੰਤਰਾਲਾ ਨੂੰ ਭੇਜ ਦਿੱਤੇ ਹਨ।