12.05C Vancouver 12.05C VancouverJan 14, 2022 11:17 PM - The Canadian Press
ਸਰਬੀਅਨ ਟੈਨਿਸ ਸਿਤਾਰੇ ਨੋਵਾਕ ਜੌਕੋਵਿਕ ਨਾਲ ਜੁੜਿਆ ਵੀਜ਼ਾ ਵਿਵਾਦ ਅਜੇ ਵੀ ਥੰਮਣ ਦਾ ਨਾਮ ਨਹੀਂ ਲੈ ਰਿਹਾ।
ਕੋਰਟ ਤੋਂ ਕੁਝ ਰਾਹਤ ਮਿਲਣ ਤੋਂ ਬਾਅਦ ਅੱਜ ਫਿਰ ਤੋਂ ਨੋਵਾਕ ਜੌਕੋਵਿਕ ਦਾ ਵੀਜ਼ਾ ਰਿਵੋਕ ਕਰ ਦਿੱਤਾ ਗਿਆ ਹੈ।
ਇੱਕ ਵਾਰ ਪਹਿਲਾਂ ਵੀਜ਼ਾ ਰਿਵੋਕ ਹੋਣ ਤੋਂ ਬਾਅਦ ਇਹ ਦੂਜਾ ਮੌਕਾ ਹੈ ਜਦ ਵੀਜ਼ਾ ਰਿਵੋਕ ਕੀਤਾ ਗਿਆ ਹੈ।
ਇਮੀਗ੍ਰੇਸ਼ਨ ਮੰਤਰੀ ਐਲੇਕਸ ਹੌਕ ਨੇ ਆਖਿਆ ਹੈ ਕਿ ਇਹ ਫੈਸਲਾ ਪਬਲਿਕ ਇੰਟ੍ਰਸਟ ਨੂੰ ਧਿਆਨ 'ਚ ਰੱਖ ਕੇ ਲਿਆ ਗਿਆ ਹੈ।
ਆਸਟ੍ਰੇਲੀਅਨ ਓਪਨ ਸ਼ੁਰੂ ਹੋਣ ਤੋਂ 3 ਦਿਨ ਪਹਿਲਾਂ ਇਹ ਫੈਸਲਾ ਲਿਆ ਗਿਆ ਹੈ।
ਹਾਲਾਂਕਿ ਨੋਵਾਕ ਜੌਕੋਵਿਕ ਕੋਲ ਅਜੇ ਵੀ ਫੈਡਰਲ ਕੋਰਟ 'ਚ ਅਪੀਲ ਦਾਖਿਲ ਕਰਨ ਦਾ ਮੌਕਾ ਹੈ।
ਬੀਤੇ ਹਫ਼ਤੇ ਵੀ ਜੌਕੋਵਿਕ ਨੇ ਅਜਿਹੀ ਅਪੀਲ ਕੀਤੀ ਸੀ ਜਿਸ ਤੋਂ ਬਾਅਦ ਇਸ ਸੋਮਵਾਰ ਕੋਰਟ ਨੇ ਉਨ੍ਹਾਂ ਦੇ ਪੱਖ 'ਚ ਫੈਸਲਾ ਸੁਣਾਇਆ ਸੀ।
ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ, ਸਕੌਟ ਮੌਰੀਸਨ ਨੇ ਆਖਿਆ ਕਿ ਜੌਕੋਵਿਕ ਬਾਰੇ ਇਮੀਗ੍ਰੇਸ਼ਨ ਮੰਤਰੀ ਦਾ ਵੀਜ਼ਾ ਰਿਵੋਕ ਕਰਨ ਦਾ ਫੈਸਲਾ ਸਹੀ ਹੈ।
ਪ੍ਰਧਾਨ ਮੰਤਰੀ ਨੇ ਆਖਿਆ ਕਿ ਆਸਟ੍ਰੇਲੀਆ ਦਾ ਵਿਸ਼ਵ ਦੇ ਦੇਸ਼ਾਂ 'ਚ ਸਭ ਤੋਂ ਘਟ ਪੈਂਡੈਮਿਕ ਡੈਥ ਰੇਟਸ ਵਾਲੇ ਦੇਸ਼ਾਂ 'ਚ ਸ਼ਾਮਲ ਹੋਣਾ ਇਸ ਨੂੰ ਸਪਸ਼ਟ ਕਰਦਾ ਹੈ ਕਿ ਦੇਸ਼ 'ਚ ਵੈਕਸੀਨੇਸ਼ਨ ਅਤੇ ਕੋਵਿਡ-19 ਪ੍ਰਤੀ ਸਖਤ ਨੀਤੀ ਉਪਯੋਗੀ ਸਾਬਿਤ ਹੋਈ ਹੈ।
ਆਸਟ੍ਰੇਲੀਅਨ ਓਪਨ ਗਰੈਂਡ ਸਲੈਮ 'ਚ ਵੀ ਖਿਡਾਰੀਆਂ ਦਾ ਕੋਵਿਡ-19 ਪ੍ਰਤੀ ਵੈਕਸੀਨੇਟਿਡ ਹੋਣਾ ਲਾਜਮੀ ਕੀਤਾ ਗਿਆ ਹੈ।
ਜੌਕੋਵਿਕ ਵੈਕਸੀਨੇਟਿਡ ਨਹੀਂ ਹਨ ਅਤੇ ਉਨ੍ਹਾਂ ਨੇ ਕੋਵਿਡ-19 ਤੋਂ ਦਿਸੰਬਰ 'ਚ ਪੀੜਤ ਹੋਣ ਬਾਰੇ ਜਾਣਕਾਰੀ ਦੇ ਕੇ ਐਗਜੈਂਪਸ਼ਨ ਹਾਸਿਲ ਕੀਤੀ ਸੀ।
