21.2C Vancouver 21.2C VancouverSep 22, 2025 7:13 PM - Connect Newsroom - Pervez Sandhu
ਕੈਨੇਡਾ ਨੇ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਇੱਕ ਹੋਰ ਕਾਮਯਾਬੀ ਹਾਸਿਲ ਕੀਤੀ।
ਕਨੇਡੀਅਨ ਸਪ੍ਰਿੰਟਰਸ ਨੇ ਪੁਰਸ਼ਾਂ ਦੀ 4 ਗੁਣਾ 100 ਮੀਟਰ ਰਿਲੇ ਦੌੜ 'ਚ ਸਿਲਵਰ ਮੈਡਲ ਹਾਸਿਲ ਕੀਤਾ।
ਈਵੈਂਟ ਦੇ ਫਾਈਨਲ 'ਚ ਆਰਨ ਬਰਾਊਨ, ਜੈਰੋਮ ਬਲੇਕ, ਬ੍ਰੈਂਡਨ ਰੌਡਨੀ ਅਤੇ ਆਂਡਰੇ ਡੀ ਗ੍ਰਾਸ ਨੇ ਜਬਰਦਸਤ ਪ੍ਰਦਰਸ਼ਨ ਕਰਦਿਆਂ 37.55 ਸੈਕਿੰਡਸ ਦੇ ਸੀਜਨ ਦੇ ਆਪਣੇ ਬੈਸਟ ਟਾਈਮਿੰਗ ਦੇ ਨਾਲ ਈਵੈਂਟ 'ਚ ਚਾਂਦੀ ਦਾ ਤਗਮਾ ਜਿੱਤਿਆ।
ਇਸੇ ਈਵੈਂਟ 'ਚ ਅਮਰੀਕੀ ਟੀਮ ਨੇ 37.29 ਸੈਕਿੰਡਸ ਦੇ ਟਾਈਮਿੰਗ ਨਾਲ ਸੋਨ ਤਗਮਾ ਅਤੇ ਨੀਦਰਲੈਂਡਸ ਦੀ ਟੀਮ ਨੇ 37.81 ਸੈਕਿੰਡਸ ਦੇ ਟਾਈਮਿੰਗ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ।
ਉੱਧਰ ਵੀਕਐਂਡ ਦੌਰਾਨ ਪੁਰਸ਼ਾਂ ਦੇ 800 ਮੀਟਰ ਈਵੈਂਟ 'ਚ ਮਾਰਕੋ ਐਰੋਪ ਨੇ ਕਾਂਸੀ ਦਾ ਤਗਮਾ ਜਿੱਤਿਆ ਸੀ।
ਇਸ ਦੇ ਨਾਲ ਕੈਨੇਡਾ ਦੀ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਕੁੱਲ ਮੈਡਲਸ ਦੀ ਗਿਣਤੀ 5 ਤਕ ਪਹੁੰਚ ਗਈ, ਜਿਸ 'ਚ 3 ਗੋਲਡ, ਇੱਕ ਸਿਲਵਰ ਅਤੇ ਇੱਕ ਬਰੌਂਜ਼ ਮੈਡਲ ਸ਼ਾਮਿਲ ਹੈ।
Athletics Canada shared the following post on X:
ਇਲਾਕੇ ਦੇ ਨਾਮੀ ਐਥਲੈਟਿਕਸ ਕੋਚ ਅਤੇ ਡੈਲਟਾ ਸਿਟੀ ਕਾਉਂਸਲਰ ਜੈਸੀ ਦੋਸਾਂਝ ਨੇ ਅੱਜ ਦੇ ਰਿਲੇ ਮੈਡਲ ਦੇ ਨਾਲ-ਨਾਲ ਕੁੱਲ 5 ਵਿੱਚੋਂ 4 ਮੈਡਲਾਂ 'ਚ ਬੀ.ਸੀ. ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ।
ਜੈਸੀ ਦੋਸਾਂਝ ਦਾ ਕਹਿਣਾ ਸੀ ਕਿ ਕਈ ਵਾਰ ਮੈਡਲ ਜੇਤੂਆਂ ਵਿਚਾਲੇ ਲੋਕਲ ਅਥਲੀਟਾਂ ਦੀ ਪ੍ਰਤਿਭਾ ਦੀ ਗੱਲ ਲੁਕ ਜਾਂਦੀ ਹੈ।
ਉਨ੍ਹਾਂ ਆਖਿਆ ਕਿ 4 ਗੁਣਾ 400 ਮੀਟਰ ਦੀ ਮਿਕਸਡ ਰਿਲੇ ਵਿੱਚ ਕੈਨੇਡਾ ਦੀ ਨੁਮਾਇੰਦਗੀ ਕਰਨ ਵਾਲੀ ਜਸਨੀਤ ਨਿੱਜਰ ਨੇ ਚੰਗੇ ਟਾਈਮਿੰਗ ਦਿੱਤੇ ਹਨ।
ਭਾਵੇਂ ਇਸ ਈਵੈਂਟ 'ਚ ਕਨੇਡੀਅਨ ਟੀਮ ਫਾਈਨਲ ਦਾ ਰਾਹ ਤੈਅ ਨਹੀਂ ਕਰ ਸਕੀ ਪਰ ਜੈਸੀ ਦੋਸਾਂਝ ਨੇ ਜਸਨੀਤ ਨਿੱਜਰ ਦੀ ਪਰਫਾਰਮੈਂਸ 'ਤੇ ਖੁਸ਼ੀ ਪ੍ਰਗਟਾਈ।
Canada's medal winners at Tokyo World Championship (2025):
Medal |
Athlete |
Event |
Gold |
Evan Dunfee |
Men’s 35km walk |
Gold |
Camryn Rogers |
Women’s hammer throw |
Gold |
Ethan Katzberg |
Men’s hammer throw |
Silver |
Aaron Brown, Jerome Blake, Brendon Rodney, Andre de grasse |
Men’s 4x100m relay |
Bronze |
Marco Arop |
Men’s 800m |
