16.43C Vancouver 16.43C VancouverMay 24, 2020 4:12 PM -
ਔਂਟੈਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਦਾ ਕਹਿਣਾ ਹੈ ਕਿ ਸੂਬੇ ਵਿੱਚ ਜੇ ਕੋਈ ਵੀ ਵਿਅਕਤੀ ਆਪਣਾ ਕੋਵਿਡ-19 ਦਾ ਟੈਸਟ ਕਰਵਾਉਣਾ ਚਾਹੁੰਦਾ ਹੈ, ਤਾਂ ਉਸ ਨੂੰ ਇਹ ਟੈਸਟ ਮੁਹੱਈਆ ਕਰਵਾਇਆ ਜਾਵੇਗਾ।
ਫੋਰਡ ਨੇ ਕਿਹਾ ਕਿ ਸੂਬਾ ਆਪਣੀ ਟੈਸਟਿੰਗ ਕਪੈਸਿਟੀ ਤੱਕ ਤਾਂ ਹੀ ਪਹੁੰਚ ਸਕੇਗਾ ਜੇਕਰ ਲੋਕ ਜਾ ਕੇ ਆਪਣਾ ਟੈਸਟ ਕਰਵਾਉਣ।
ਉਨ੍ਹਾਂ ਕਿਹਾ ਕਿ ਹੁਣ ਔਂਟੈਰੀਓ ਵਿੱਚ ਉਹ ਵਿਅਕਤੀ ਵੀ ਆਪਣਾ ਟੈਸਟ ਕਰਵਾ ਸਕਦੇ ਹਨ ਜਿਨ੍ਹਾਂ ਨੂੰ ਇਸ ਵਾਇਰਸ ਦੇ ਕੋਈ ਸਿੰਪਟਮਜ਼ ਨਹੀਂ ਹਨ।
ਇਸ ਤੋਂ ਪਹਿਲਾਂ ਸੂਬੇ ਵਿੱਚ ਸਿਰਫ਼ ਉਨ੍ਹਾਂ ਲੋਕਾਂ ਨੂੰ ਹੀ ਟੈਸਟ ਮੁਹੱਈਆ ਕਰਵਾਇਆ ਜਾਂਦਾ ਸੀ ਜਿਨ੍ਹਾਂ ਨੂੰ ਇਸ ਬਿਮਾਰੀ ਦੇ ਕੋਈ ਲੱਛਣ ਸਨ।
ਫੋਰਡ ਨੇ ਕਿਹਾ ਕਿ ਵਿਸ਼ੇਸ਼ ਸੈਕਟਰਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸੂਬੇ ਵੱਲੋਂ ਅਗਲੇ ਹਫਤੇ ਇੱਕ ਨਵੀਂ ਟੈਸਟਿੰਗ ਸਟ੍ਰੈਟਜੀ ਦਾ ਐਲਾਨ ਕੀਤਾ ਜਾਵੇਗਾ।
ਫੋਰਡ ਨੇ ਕਿਹਾ ਕਿ ਟੈਸਟ ਦਾ ਨਤੀਜਾ ਇੱਕ ਵਾਰ ਨੈਗੇਟਿਵ ਆਉਣ ਦਾ ਇਹ ਮਤਲਬ ਨਹੀਂ ਹੈ ਕਿ ਇਹ ਬਿਮਾਰੀ ਦੁਬਾਰਾ ਨਹੀਂ ਹੋ ਸਕਦੀ।
ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਨੂੰ ਇਨਫੈਕਸ਼ਨ ਹੋਣ ਦਾ ਖਦਸ਼ਾ ਹੋਵੇ ਤਾਂ ਉਹ ਦੁਬਾਰਾ ਜਾ ਕੇ ਵੀ ਟੈਸਟ ਕਰਵਾ ਸਕਦਾ ਹੈ।
ਫੋਰਡ ਨੇ ਕਿਹਾ ਕਿ ਸ਼ਨੀਵਾਰ ਨੂੰ ਟੋਰੌਂਟੋ ਡਾਊਨਟਾਊਨ ਦੇ ਟ੍ਰਿਨਿਟੀ ਬੈੱਲਵੁਡਸ ਪਾਰਕ ਵਿੱਚ ਜਮ੍ਹਾਂ ਹੋਈ ਹਜ਼ਾਰਾਂ ਲੋਕਾਂ ਦੀ ਭੀੜ ਨੂੰ ਦੇਖਕੇ ਉਹ ਬਹੁਤ ਨਿਰਾਸ਼ ਹੋਏ ਹਨ ਅਤੇ ਉਨ੍ਹਾਂ ਯਾਦ ਕਰਵਾਇਆ ਕਿ ਇਹ ਖਤਰਨਾਕ ਵਾਇਰਸ ਅਜੇ ਵੀ ਸਾਡੇ ਵਿਚਕਾਰ ਵਿਚਰ ਰਿਹਾ ਹੈ।
