9.57C Vancouver 9.57C VancouverMay 12, 2025 5:57 PM - Connect Newsroom
ਚੀਨ ਅਤੇ ਸੰਯੁਕਤ ਰਾਜ ਅਮਰੀਕਾ ਵਲੋਂ ਟਰੇਡ ਵਾਰ ਵਿਚ 90 ਦਿਨਾਂ ਦੇ ਵਿਰਾਮ ਦੀ ਘੋਸ਼ਣਾ ਮਗਰੋਂ ਅਮਰੀਕੀ ਸ਼ੇਅਰ ਬਾਜ਼ਾਰ ਵਿਚ ਸੋਮਵਾਰ ਨੂੰ ਤੇਜ਼ੀ ਦਰਜ ਕੀਤੀ ਗਈ। ਡਾਓ ਜੋਨਸ ਨੇ ਕਾਰੋਬਾਰ ਦੌਰਾਨ 1,000 ਤੋਂ ਵੱਧ ਅੰਕ ਦਾ ਉਛਾਲ ਲਗਾਇਆ, ਇਸ ਦੌਰਾਨ S&P 500 ਵਿਚ ਤਿੰਨ ਫੀਸਦੀ ਅਤੇ ਨੈਸਡੈਕ ਕੰਪੋਜ਼ਿਟ ਵਿਚ 4 ਫੀਸਦੀ ਤੋਂ ਵੱਧ ਦੀ ਤੇਜ਼ੀ ਸੀ।
ਆਰਥਿਕਤਾ 'ਤੇ ਟੈਰਿਫ ਦਾ ਪ੍ਰਭਾਵ ਘੱਟ ਹੋਣ ਦੀ ਉਮੀਦ ਨਾਲ ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਵੀ ਉਛਾਲ ਆਇਆ ਹੈ। ਉਥੇ ਹੀ, ਹੋਰ ਕਰੰਸੀ ਦੇ ਮੁਕਾਬਲੇ ਅਮਰੀਕੀ ਡਾਲਰ ਵੀ ਮਜਬੂਤ ਹੋਇਆ ਹੈ। ਹਾਲਾਂਕਿ, ਵਿਸ਼ਲੇਸ਼ਕਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਹਾਲਾਤ ਅਜੇ ਵੀ ਤੇਜ਼ੀ ਨਾਲ ਬਦਲ ਸਕਦੇ ਹਨ ਕਿਉਂਕਿ ਟਰੰਪ ਨੂੰ ਅਕਸਰ ਟਰੇਡ ਵਾਰ ਵਿਚ ਉਨ੍ਹਾਂ ਦਾ ਸਟੈਂਡ ਬਦਲਦੇ ਦੇਖਿਆ ਗਿਆ ਹੈ।
