8.74C Vancouver 8.74C VancouverDec 30, 2025 4:29 PM - Connect Newsroom - Jasmine Singh with files from The Canadian Press
ਕੈਨੇਡਾ ਦੇ ਸਾਬਕਾ ਓਲੰਪਿਕ ਸਨੋਬੋਰਡਰ ਤੋਂ ਡਰੱਗ ਸਰਗਨਾ ਬਣੇ ਰਿਆਨ ਵੈਡਿੰਗ ਖਿਲਾਫ ਐਫ.ਬੀ.ਆਈ. ਦੀ ਚੱਲ ਰਹੀ ਜਾਂਚ ਦੇ ਸਬੰਧ ਵਿਚ ਮੈਕਸੀਕਨ ਅਥਾਰਿਟੀ ਨੇ ਉਸ ਨਾਲ ਜੁੜੀਆਂ 4 ਪ੍ਰਾਪਰਟੀਆਂ 'ਤੇ ਛਾਪੇਮਾਰੀ ਕਰਕੇ 62 ਹਾਈ ਐਂਡ ਮੋਟਰਸਾਈਕਲ ਜ਼ਬਤ ਕੀਤੇ ਹਨ,ਜਿਨ੍ਹਾਂ ਦੀ ਕੁੱਲ ਕੀਮਤ ਲਗਭਗ $40 ਮਿਲੀਅਨ ਦੱਸੀ ਜਾ ਰਹੀ ਹੈ।
ਐਫ.ਬੀ.ਆਈ. ਨੇ ਮੋਟਰਸਾਈਕਲਾਂ ਦੀਆਂ ਤਸਵੀਰਾਂ ਵੀ ਜਾਰੀ ਕੀਤੀਆਂ ਹਨ। ਇਨ੍ਹਾਂ ਛਾਪਿਆਂ ਦੌਰਾਨ ਦੋ ਓਲੰਪਿਕ ਮੈਡਲ, ਕਲਾਕਾਰੀ, ਗੋਲਾ-ਬਾਰੂਦ ਅਤੇ ਮੈਥਾਮਫੇਟਾਮਾਈਨ ਸਮੇਤ ਨਸ਼ੀਲੇ ਪਦਾਰਥ ਵੀ ਬਰਾਮਦ ਕੀਤੇ ਗਏ ਹਨ। 44 ਸਾਲਾ ਵੈਡਿੰਗ ਇਸ ਸਮੇਂ ਐਫ.ਬੀ.ਆਈ. ਦੀ 10 ਸਭ ਤੋਂ ਮੋਸਟ ਵਾਂਟੇਡ ਅਪਰਾਧੀਆਂ ਦੀ ਸੂਚੀ ਵਿਚ ਸ਼ਾਮਲ ਹੈ। ਉਸ 'ਤੇ ਇੱਕ ਅੰਤਰਰਾਸ਼ਟਰੀ ਡਰੱਗ ਸਿੰਡੀਕੇਟ ਚਲਾਉਣ ਅਤੇ ਕਈ ਕਤਲ ਕਰਵਾਉਣ ਦੇ ਗੰਭੀਰ ਦੋਸ਼ ਹਨ।
ਅਮਰੀਕਾ ਸਰਕਾਰ ਨੇ ਉਸ ਦੀ ਗ੍ਰਿਫਤਾਰੀ ਲਈ $15 ਮਿਲੀਅਨ ਦਾ ਇਨਾਮ ਰੱਖਿਆ ਹੋਇਆ ਹੈ। ਰਿਆਨ ਵੈਡਿੰਗ 2002 ਦੀਆਂ ਸਾਲਟ ਲੇਕ ਵਿੰਟਰ ਓਲੰਪਿਕਸ ਵਿਚ ਕੈਨੇਡਾ ਵਲੋਂ ਮੁਕਾਬਲੇ ਵਿਚ ਸ਼ਾਮਲ ਹੋਇਆ ਸੀ। ਜਾਂਚਕਰਤਾਵਾਂ ਦਾ ਮੰਨਣਾ ਹੈ ਕਿ ਉਹ ਮੈਕਸੀਕੋ ਵਿਚ ਹੀ ਹੈ ਅਤੇ ਸਿਨਾਲੋਆ ਕਾਰਟੈਲ ਦੀ ਸੁਰੱਖਿਆ ਹੇਠ ਆਪਣਾ ਨਸ਼ਾ ਤਸਕਰੀ ਦਾ ਸਾਮਰਾਜ ਚਲਾ ਰਿਹਾ ਹੈ।
