ਡਾ. ਬਰੂਸ ਚੋਏ ਨੂੰ ਕਵਾਂਟਲੇਨ ਪੌਲੀਟੈਕਨਿਕ ਯੂਨੀਵਰਸਿਟੀ ਦੇ ਮੁਖੀ ਤੇ ਵਾਇਸ ਚਾਂਸਲਰ ਚੁਣਿਆ ਗਿਆ

ਬੀ.ਸੀ. ਦੀ ਕਵਾਂਟਲੇਨ ਪੌਲੀਟੈਕਨਿਕ ਯੂਨੀਵਰਸਿਟੀ ਦੇ ਬੋਰਡ ਨੇ ਡਾ. ਬਰੂਸ ਚੋਏ ਨੂੰ ਅਗਲੇ ਪ੍ਰਧਾਨ ਤੇ ਵਾਈਸ-ਚਾਂਸਲਰ ਨਿਯੁਕਤ ਕੀਤਾ ਹੈ,ਉਹ 2 ਸਤੰਬਰ ਨੂੰ ਇਹ ਅਹੁਦਾ ਸੰਭਾਲਣਗੇ।

ਡਾ. ਚੋਏ- ਯੂਨੀਵਰਸਿਟੀ ਆਫ਼ ਟੋਰਾਂਟੋ ਦੇ ਸਹਾਇਕ ਪ੍ਰੋਫੈਸਰ ਅਤੇ ਜਾਰਜ ਬ੍ਰਾਊਨ ਕਾਲਜ ਆਫ਼ ਅਪਲਾਈਡ ਆਰਟਸ ਐਂਡ ਟੈਕਨਾਲੋਜੀ ਦੇ ਬੋਰਡ ਦੇ ਚੇਅਰਪਰਸਨ ਹਨ, ਉਹ ਕੇਪੀਯੂ ਵਿਚ ਡਾ. ਐਲਨ ਡੇਵਿਸ ਦੀ ਥਾਂ ਲੈਣਗੇ ਜੋ 13 ਸਾਲਾਂ ਦੀ ਨੌਕਰੀ ਤੋਂ ਬਾਅਦ 31 ਅਗਸਤ ਨੂੰ ਯੂਨੀਵਰਸਿਟੀ ਦੇ ਪ੍ਰਧਾਨ ਵਜੋਂ ਅਸਤੀਫਾ ਦੇ ਰਹੇ ਹਨ।

ਕੇਪੀਯੂ ਦੇ ਬੋਰਡ ਆਫ਼ ਗਵਰਨਰਜ਼ ਦੀ ਪ੍ਰਮੁੱਖ ਆਈਵੀ ਚੇਨ ਨੇ ਕਿਹਾ ਕਿ ਡਾ. ਚੋਏ ਕੋਲ ਪ੍ਰਾਈਵੇਟ ਤੇ ਪੋਸਟ-ਸੈਕੰਡਰੀ ਸੈਕਟਰ ਦੋਹਾਂ ਦਾ ਤਜਰਬਾ ਹੈ ਅਤੇ ਉਨ੍ਹਾਂ ਦੀ ਲੀਡਰਸ਼ਿਪ ਵਿਚ ਯੂਨੀਵਰਸਿਟੀ ਨੂੰ ਫਾਇਦਾ ਮਿਲੇਗਾ।