11.9C Vancouver 11.9C VancouverNov 16, 2022 10:39 PM - The Canadian Press
ਅੱਜ ਬੀ.ਸੀ. ਦੇ ਸਿਹਤ ਅਧਿਕਾਰੀਆਂ ਨੇ ਸੂਬੇ 'ਚ ਕੋਵਿਡ-19 ਸਮੇਤ ਹੋਰ ਰੈਸਪੀਰੇਟੋਰੀ ਬਿਮਾਰੀਆਂ ਸੰਬੰਧੀ ਅਪਡੇਟ ਸਾਂਝੀ ਕੀਤੀ ਹੈ।
ਸਿਹਤ ਮੰਤਰੀ ਐਡਰੀਅਨ ਡਿਕਸ ਅਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ ਡਾ. ਬੌਨੀ ਹੈਨਰੀ ਨੇ ਸੂਬੇ ਦੇ ਲੋਕਾਂ ਤੋਂ ਮੰਗ ਕੀਤੀ ਹੈ ਕਿ ਕੋਵਿਡ-19 ਵੈਕਸੀਨ ਅਤੇ ਫਲੂ ਸ਼ਾਟ ਹਾਸਿਲ ਕੀਤੇ ਜਾਣ ਅਤੇ ਮਾਸਕ ਪਹਿਨੇ ਜਾਣ।
ਇਸ ਦੇ ਨਾਲ ਹੀ ਸੂਬਾ ਵਾਸੀਆਂ ਨੂੰ ਬਿਮਾਰ ਮਹਿਸੂਸ ਕਰਨ ਮੌਕੇ ਘਰ ਰਹਿਣ ਦੀ ਅਪੀਲ ਕੀਤੀ ਗਈ ਹੈ।
ਐਡਰੀਅਨ ਡਿਕਸ ਨੇ ਕਿਹਾ ਕਿ ਬਾਕੀ ਸਾਵਧਾਨੀਆਂ ਵਰਤਦੇ ਹੋਏ ਲਗਾਤਾਰ ਹੱਥ ਧੋਣ ਦੀ ਪ੍ਰੀਕਿਰਿਆ ਵੀ ਜਾਰੀ ਰੱਖੀ ਜਾਵੇ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਹਾਲ ਦੀ ਘੜੀ ਜਿਹੜੇ 3 ਮੁੱਖ ਵਾਇਰਸ ਸੰਬੰਧੀ ਧਿਆਨ ਰੱਖਣ ਦੀ ਲੋੜ ਹੈ, ਉਹ ਕੋਵਿਡ-19, ਇੰਫਲੂਐਂਜਾ ਅਤੇ ਆਰ.ਐਸ.ਵੀ. ਹਨ।
ਉਨ੍ਹਾਂ ਕਿਹਾ ਕਿ ਕੁਝ ਹੋਰ ਵਾਇਰਸ ਵੀ ਫੈਲ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਐਲੀਜੀਬਲ ਬੱਚਿਆਂ 'ਚ ਸਿਰਫ 51% ਨੇ ਹੀ ਕੋਵਿਡ-19 ਵੈਕਸੀਨ ਹਾਸਿਲ ਕੀਤੀ ਹੈ।
ਸੂਬੇ ਦੇ 5 ਸਾਲ ਤੋਂ ਵਧੇਰੇ 86% ਲੋਕਾਂ ਨੇ ਵੈਕਸੀਨ ਦੀਆਂ ਘਟੋ-ਘੱਟ 2 ਖੁਰਾਕਾਂ ਹਾਸਿਲ ਕੀਤੀਆਂ ਹਨ।
ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਲੋਕਾਂ ਨੇ ਵੱਡੀ ਗਿਣਤੀ 'ਚ ਫਾਲ ਬੂਸਟਰ ਖੁਰਾਕਾਂ ਵੀ ਹਾਸਿਲ ਕੀਤੀਆਂ ਹਨ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਸੂਬੇ ਦੇ ਕਰੀਬ 90% ਲੋਕਾਂ ਨੇ ਵੈਕਸੀਨ ਜਾਂ ਇਨਫੈਕਸ਼ਨ ਜਰੀਏ ਵਾਇਰਸ ਪ੍ਰਤੀ ਕਿਸੇ ਨਾ ਕਿਸੇ ਪੱਧਰ ਦੀ ਇਮਿਊਨਿਟੀ ਹਾਸਿਲ ਕੀਤੀ ਹੈ।
ਪਰ ਉਨ੍ਹਾਂ ਕਿਹਾ ਕਿ ਇਹ ਇਮਿਊਨਿਟੀ ਬਹੁਤਾ ਸਮਾਂ ਨਹੀਂ ਰਹਿੰਦੀ ਅਤੇ ਇਸ ਨੂੰ ਮਜਬੂਤ ਰੱਖਣ ਲਈ ਬੂਸਟਰ ਖੁਰਾਕਾਂ ਜਰੂਰੀ ਹਨ।
