30.09C Vancouver 30.09C VancouverJun 9, 2021 11:12 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਇਸ ਹਫ਼ਤੇ ਕੈਨੇਡਾ ਦਾ ਕੋਵਿਡ-19 ਦਾ 7 ਦਿਨ ਦਾ ਪ੍ਰਤੀ ਦਿਨ ਰੋਲਿੰਗ ਐਵਰੇਜ 1,800 ਤੋਂ ਹੇਠਾਂ ਦਾ ਰਿਹਾ।
ਉਨ੍ਹਾਂ ਦੱਸਿਆ ਕਿ ਸਾਲ 2020 ਦੀ ਪਤਝੜ ਤੋਂ ਬਾਅਦ ਦਾ ਇਹ ਪ੍ਰਤੀ ਦਿਨ ਦਾ ਸਭ ਤੋਂ ਘੱਟ ਰੋਲਿੰਗ ਐਵਰੇਜ ਰਿਹਾ ਹੈ।
ਡਾ. ਟੈਮ ਨੇ ਦੱਸਿਆ ਕਿ ਤਾਜ਼ਾ ਅੰਕੜੇ ਦਰਸ਼ਾਉਂਦੇ ਹਨ ਕਿ ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ ਦੀ ਗਿਣਤੀ ਮਾਮਲਿਆਂ ਦੀ ਪੀਕ ਤੋਂ ਕਰੀਬ 55% ਹੇਠਾਂ ਆ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 'ਚ ਵੀ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਕੈਨੇਡਾ ਦੇ 75% ਲੋਕ ਜਦ ਤਕ ਪੂਰੀ ਤਰ੍ਹਾਂ ਵੈਕਸੀਨੇਟ ਨਹੀਂ ਹੋ ਜਾਂਦੇ ਉਸ ਵੇਲੇ ਤਕ ਉਹ ਨਿਸ਼ਚਿੰਤ ਮਹਿਸੂਸ ਨਹੀਂ ਕਰਣਗੀ ਕਿ ਬਾਰਡਰ 'ਤੇ ਜਾਰੀ ਪਬੰਦੀਆਂ ਨੂੰ ਖੋਲ੍ਹਿਆ ਜਾ ਸਕੇ ਅਤੇ ਯਾਤਰੀਆਂ ਦੀ ਆਵਾਜਾਈ 'ਚ ਢਿੱਲ ਦਿੱਤੀ ਜਾ ਸਕੇ।
ਡਾ. ਟੈਮ ਨੇ ਕਿਹਾ ਕਿ ਕੈਨੇਡਾ 'ਚ ਜੁਲਾਈ ਦੀ ਸ਼ੁਰੂਆਤ ਤਕ 75% ਲੋਕਾਂ ਨੂੰ ਇੱਕ ਡੋਜ਼ ਅਤੇ 20% ਲੋਕਾਂ ਨੂੰ ਦੋਵੇਂ ਡੋਜ਼ ਹਾਸਿਲ ਹੋਣ ਦੀ ਆਸ ਹੈ।
