17.12C Vancouver 17.12C VancouverMay 11, 2020 10:42 PM -
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਅਫਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕਰੀਬ ਦਰਜਨ ਅਜੇਹੀਆਂ ਵੈਕਸੀਨਸ ਹਨ, ਜਿੰਨਾ ਬਾਰੇ ਅਧਿਕਾਰੀਆਂ ਨੂੰ ਆਸ ਹੈ ਕਿ ਇਹ ਕੋਵਿਡ-19 ਤੋਂ ਰਾਹਤ ਪ੍ਰਦਾਨ ਕਰ ਸਕਦੀਆਂ ਹਨ।
ਹਾਲਾਂਕਿ ਅਜੇ ਇਨ੍ਹਾਂ 'ਚ ਇੱਕ ਵੀ ਅਜੇਹੀ ਨਹੀਂ ਹੈ ਜੋ ਬਾਕੀਆਂ ਤੋਂ ਵਧੇਰੇ ਅਸਰਦਾਰ ਮੰਨੀ ਜਾ ਸਕਦੀ ਹੋਵੇ।
ਕਿਸੇ ਵੀ ਵੈਕਸੀਨ 'ਤੇ ਕਾਫੀ ਹੱਦ ਤੱਕ ਨਿਰਭਰ ਕਰਦਾ ਹੈ ਕਿ ਇਸ ਸਿਹਤ ਸੰਕਟ ਤੋਂ ਪਹਿਲਾਂ ਦੇ ਨੌਰਮਲ ਜਿਹੇ ਹਾਲਾਤਾਂ ਤੱਕ ਵਾਪਸੀ ਹੋ ਸਕੇ।
ਕੈਨੇਡਾ ਤੋਂ ਅਲਾਵਾ ਪੂਰੇ ਵਿਸ਼ਵ ਦੇ ਰਿਸਰਚਰ ਇਸ ਕੋਸ਼ਿਸ਼ ਵਿੱਚ ਹਨ ਕਿ ਜਲਦੀ ਤੋਂ ਜਲਦੀ ਇਸ ਵਾਇਰਸ ਦੀ ਵੈਕਸੀਨ ਬਣਾਈ ਜਾ ਸਕੇ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਇਸ ਵਿਸ਼ੇ 'ਤੇ ਵੀ ਵਿਚਾਰ ਅਤੇ ਕੰਮ ਕੀਤਾ ਜਾ ਰਿਹਾ ਹੈ ਕਿ ਜਦ ਵੀ ਕੋਈ ਵੈਕਸੀਨ ਹੋਂਦ ਵਿੱਚ ਆਉਂਦੀ ਹੈ, ਤਾਂ ਉਸਨੂੰ ਪੀੜਤ ਲੋਕਾਂ ਤੱਕ ਜਲਦੀ ਤੋਂ ਜਲਦੀ ਅਤੇ ਪੂਰੀ ਗਿਣਤੀ 'ਚ ਕਿਵੇਂ ਪਹੁੰਚਦਾ ਕਰਨਾ ਹੈ।
ਸਿਹਤ ਮੰਤਰੀ ਪੈਟੀ ਹਾਏਡੂ ਨੇ ਵੀ ਆਖਿਆ ਹੈ ਕਿ ਸਰਕਾਰ ਧਿਆਨ ਦੇ ਰਹੀ ਹੈ ਕਿ ਕਿਤੇ ਅਜਿਹਾ ਨਾ ਹੋਵੇ ਕਿ ਇਸ ਵਾਇਰਸ ਦੀ ਵੈਕਸੀਨ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ, ਦੇਸ਼ 'ਚ ਹੋਰ ਫਲੂ ਸੰਬੰਧੀ ਬਣਾਈਆਂ ਜਾ ਰਹੀਆਂ ਵੈਕਸੀਨ ਤਿਆਰ ਹੋਣ 'ਤੇ ਅਸਰ ਪੈਣ ਲੱਗੇ।
