9.59C Vancouver 9.59C VancouverApr 2, 2020 8:18 PM -
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਅਫਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ, ਕੈਨੇਡਾ 'ਚ ਕੋਵਿਡ-19 ਦੇ ਕਾਰਨ ਜਾਨ ਗਵਾਉਣ ਵਾਲੇ ਲੋਕਾਂ 'ਚ ਅੱਧੇ ਦੇ ਕਰੀਬ ਲੋਕ ਅਜਿਹੇ ਹਨ, ਜੋ ਕਿ
ਲੌਂਗ ਟਰਮ ਕੇਅਰ ਹੋਮਸ ਤੋਂ ਵਾਸਤਾ ਰੱਖਦੇ ਸਨ।
ਡਾ. ਟੈਮ ਨੇ ਦੱਸਿਆ ਕਿ ਹੁਣ ਤਕ ਦੇਸ਼ 'ਚ ਹੋ ਚੁੱਕੀ 111 ਲੋਕਾਂ ਦੀ ਮੌਤ ਦੌਰਾਨ ਘਟੋ ਘੱਟ 50 ਮਾਮਲੇ ਅਜਿਹੇ ਹਨ, ਜੋ ਕਿ ਇਨ੍ਹਾਂ ਵਧੇਰੇ ਖਤਰੇ ਵਾਲੀਆਂ ਥਾਵਾਂ ਤੋਂ ਵਾਸਤਾ ਰੱਖਦੇ ਸਨ।
ਉਨ੍ਹਾਂ ਕਿਹਾ ਕਿ ਕੀਤੀਆਂ ਜਾ ਰਹੀਆਂ ਕੋਸ਼ਿਸ਼ਾਂ ਨੂੰ ਦੁੱਗਣਾ ਕਰਨ ਦੀ ਲੋੜ ਹੈ, ਜੇਕਰ ਵਾਇਰਸ ਨੂੰ ਫੈਲਣ ਤੋਂ ਰੋਕਣਾ ਹੈ।
ਉਨ੍ਹਾਂ ਅੱਜ ਔਟਵਾ 'ਚ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ ਦੱਸਿਆ ਕਿ ਦੇਸ਼ 'ਚ ਪੀੜਤ ਲੋਕਾਂ ਦੀ ਗਿਣਤੀ 10,000 ਤੋਂ ਟੱਪ ਗਈ ਹੈ, ਜਦਕਿ ਸਵੇਰ ਤਕ 111 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ।
