13.92C Vancouver 13.92C VancouverApr 13, 2020 10:30 PM -
ਦੇਸ਼ ਦੀ ਚੀਫ ਪਬਲਿਕ ਹੈਲਥ ਅਫਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ, ਵੱਖੋ-ਵੱਖਰੇ ਲੌਂਗ ਟਰਮ ਕੇਅਰ ਫੈਸਿਲਿਟੀਆਂ 'ਚ ਕੋਵਿਡ-19 ਦੇ ਨਾਲ ਸੰਬੰਧਤ ਜਾਨ ਜਾਣ ਦੇ ਮਾਮਲੇ, ਅਜੇ ਵਧਦੇ ਰਹਿ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਦੇਸ਼ 'ਚ ਵਾਇਰਸ ਸੰਬੰਧੀ ਮਾਮਲੇ ਘਟਣ ਦੇ ਸਮੇਂ 'ਚ ਵੀ ਮੌਤਾਂ ਦੇ ਮਾਮਲੇ ਵਧਦੇ ਰਹਿ ਸਕਦੇ ਹਨ।
ਡਾ. ਟੈਮ ਅਨੁਸਾਰ ਹੁਣ ਤਕ ਦੇਸ਼ 'ਚ ਵਾਇਰਸ ਸੰਬੰਧੀ ਹੋਈਆਂ 700 ਤੋਂ ਵਧੇਰੇ ਮੌਤਾਂ 'ਚ ਕਰੀਬ ਅੱਧੇ ਮਾਮਲੇ, ਲੌਂਗ ਟਰਮ ਕੇਅਰ ਹੋਮਸ ਨਾਲ ਸੰਬੰਧਤ ਰਹੇ ਹਨ।
ਡਾ. ਟੈਮ ਨੇ ਦੱਸਿਆ ਕਿ ਨਵੀਆਂ ਸਲਾਹਾਂ ਦੀ ਸੂਚੀ ਜਾਰੀ ਕੀਤੀ ਜਾ ਰਹੀ ਹੈ, ਅਤੇ ਦੇਸ਼ ਦੇ ਸੀਨੀਅਰਸ ਨੂੰ ਬਚਾ ਕੇ ਰੱਖਣ ਲਈ ਵਧੇਰੇ ਕਦਮ ਉਠਾਏ ਜਾ ਰਹੇ ਹਨ, ਜਿੰਨਾ ਦੀ ਕੇਅਰ ਹੋਮਸ 'ਚ ਪਾਲਣਾ ਕਰਨਾ ਜਰੂਰੀ ਹੈ।
