11.59C Vancouver 11.59C VancouverApr 6, 2020 9:32 PM -
ਕੈਨੇਡਾ ਦੀ ਪਬਲਿਕ ਹੈਲਥ ਮੁਖੀ ਦਾ ਕਹਿਣਾ ਹੈ ਕਿ ਮਾਸਕ ਉਨ੍ਹਾਂ ਲਈ ਲਾਭਦਾਇਕ ਸਾਬਿਤ ਹੋ ਸਕਦੇ ਹਨ, ਜਿਹੜੇ ਲੋਕ ਕੋਵਿਡ-19 ਨਾਲ ਪ੍ਰਭਾਵਿਤ ਹਨ ਪਰ ਇਸਤੋਂ ਅਣਜਾਣ ਹਨ।
ਉਨ੍ਹਾਂ ਕਿਹਾ ਕਿ ਅਜਿਹੇ ਲੋਕਾਂ ਦਾ ਮਾਸਕ ਪਹਿਨਣਾ, ਉਨ੍ਹਾਂ ਵੱਲੋਂ ਇਸ ਬਿਮਾਰੀ ਦੇ ਫੈਲਣ ਦੇ ਖਤਰੇ ਨੂੰ ਘਟਾ ਸਕਦਾ ਹੈ।
ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਇਹ ਪਹਿਲਾਂ ਦੀਆਂ ਸਲਾਹਾਂ ਤੋਂ ਵੱਖਰੀ ਸਲਾਹ ਹੈ, ਅਤੇ ਉਨ੍ਹਾਂ ਕਿਹਾ ਕਿ ਰਿਸਰਚ ਤੋਂ ਸਾਬਿਤ ਹੁੰਦਾ ਹੈ ਕਿ ਜਿਹੜੇ ਲੋਕ ਜਾਣਦੇ ਹੀ ਨਹੀਂ ਕਿ ਓਹ ਇਸ ਬਿਮਾਰੀ ਨਾਲ ਪ੍ਰਭਾਵਿਤ ਹਨ, ਉਨ੍ਹਾਂ ਕਾਰਨ ਇਹ ਬਿਮਾਰੀ ਫੈਲ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਨ ਨਾਲ ਜਿੰਨਾ ਨੇ ਮਾਸਕ ਪਹਿਨੇ ਹੁੰਦੇ ਹਨ, ਉਨ੍ਹਾਂ ਤੋਂ ਵਧੇਰੇ ਫਾਇਦਾ ਉਨ੍ਹਾਂ ਲੋਕਾਂ ਦਾ ਹੁੰਦਾ ਹੈ ਜੋ ਕਿ ਇਸਦੇ ਨਾਲ ਪ੍ਰਭਾਵਿਤ ਨਹੀਂ ਹਨ।
ਹਾਲਾਂਕਿ ਡਾ. ਥਰੈਸਾ ਟੈਮ ਨੇ ਜੋਰ ਦਿੱਤਾ ਕਿ ਮੈਡੀਕਲ ਮਾਸਕਸ ਦੀ ਫਰੰਟ ਲਾਈਨ ਵਰਕਰਾਂ ਲਈ ਵਧੇਰੇ ਲੋੜ ਹੈ, ਅਤੇ ਆਮ ਲੋੜ ਅਨੁਸਾਰ ਨਾਨ-ਮੈਡੀਕਲ ਮਾਸਕ ਪਹਿਨੇ ਜਾ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਫਿਜੀਕਲ ਡਿਸਟੈਨਸਿੰਗ ਅਤੇ ਹੱਥ ਧੋਣ ਵਰਗੇ ਹੋਰ ਬਚਾਅ ਕਾਰਜ ਜਾਰੀ ਰੱਖਣ ਦੀ ਲੋੜ ਹੈ।
