17.2C Vancouver 17.2C VancouverApr 24, 2020 10:21 PM -
ਚੀਫ ਪਬਲਿਕ ਹੈਲਥ ਅਫਸਰ, ਡਾ.ਥ੍ਰੀਸਾ ਟੈਮ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ 6,43,000 ਲੋਕਾਂ ਦੇ ਕੋਵਿਡ-19 ਸੰਬੰਧੀ ਟੈਸਟ ਕੀਤੇ ਜਾ ਚੁੱਕੇ ਹਨ।
ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਟੈਸਟਸ 'ਚ 6.5% ਮਾਮਲੇ ਪਾਜੀਟਿਵ ਪਾਏ ਗਏ ਸਨ।
ਉਨ੍ਹਾਂ ਕਿਹਾ ਕਿ ਹੁਣ ਤਕ ਦੇਸ਼ 'ਚ 2,000 ਤੋਂ ਵਧੇਰੇ ਵਾਇਰਸ ਪੀੜਤ ਜਾਨ ਗਵਾ ਚੁੱਕੇ ਹਨ।
ਉਨ੍ਹਾਂ ਉਚੇਚੇ ਤੌਰ 'ਤੇ ਦੇਸ਼ ਦੇ ਹੈਲਥ ਕੇਅਰ ਵਰਕਰਾਂ ਵੱਲੋਂ ਪਾਏ ਜਾ ਰਹੇ ਯੋਗਦਾਨ ਦਾ ਜਿਕਰ ਕੀਤਾ।
ਉਨ੍ਹਾਂ ਮਿਸ਼ੈਲ ਨਾਮ ਦੀ ਨੋਵਾ ਸਕੌਸ਼ੀਆ ਦੀ ਇੱਕ ਹੈਲਥ ਕੇਅਰ ਵਰਕਰ ਦੀ ਕਹਾਣੀ ਸਾਂਝੀ ਕੀਤੀ, ਜੋ ਕਿ ਇੱਕ ਨਰਸ ਹਨ ਅਤੇ ਆਪਣੇ ਪਰਿਵਾਰ ਨੂੰ ਸੁਰੱਖਿਅਤ ਰੱਖਣ ਲਈ ਕੰਮ ਤੋਂ ਬਾਅਦ ਇੱਕ ਹੋਟਲ 'ਚ ਰੁਕ ਰਹੀ ਹੈ।
ਡਾ. ਟੈਮ ਨੇ ਇੱਕ ਕਵਿਤਾ ਵੀ ਸੁਣਾਈ, ਜੋ ਉਨ੍ਹਾਂ ਦੇ 3 ਬੱਚਿਆਂ ਨੇ ਲਿਖੀ ਅਤੇ ਆਪਣੀ ਮਾਂ ਨੂੰ ਇੱਕ 'ਹੀਰੋ' ਦਸਦੇ ਹੋਏ ਕਿਹਾ ਕਿ ਓਹ ਆਪਣੀ ਮਾਂ ਨੂੰ ਦੁਨੀਆ ਨਾਲ ਸਾਂਝਾ ਕਰਨ ਨੂੰ ਤਿਆਰ ਹਨ।
