25.09C Vancouver 25.09C VancouverMay 20, 2020 7:29 PM -
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਦੌਰਾਨ ਮਾਸਕ ਪਹਿਨਣ ਸੰਬੰਧੀ, ਇੱਕ ਸਮਾਜਿਕ ਅਤੇ ਸਭਿਆਚਾਰਕ ਬਦਲਾਅ ਆਇਆ ਵੇਖਿਆ ਗਿਆ ਹੈ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਮਾਸਕ ਪਹਿਨਣਾ ਇੱਕ ਚੰਗੀ ਪ੍ਰੀਕਿਰਿਆ ਹੈ ਅਤੇ ਇਸ ਦੇ ਚੰਗੇ ਨਤੀਜੇ ਹੋ ਸਕਦੇ ਹਨ।
ਉਨ੍ਹਾਂ ਆਖਿਆ ਕਿ ਜਿਹੜੇ ਲੋਕ ਫਿਜ਼ੀਕਲ ਡਿਸਟੈਨਸਿੰਗ ਦੀ ਪਾਲਣਾ ਨਾ ਕਰ ਪਾ ਰਹੇ ਹੋਣ, ਜਾਂ ਉਹ ਲੋਕ ਜਿੰਨਾ ਲਈ ਦੋ ਮੀਟਰ ਦੀ ਦੂਰੀ ਬਣਾ ਕੇ ਰੱਖਣਾ ਮੁਸ਼ਕਿਲ ਹੋਵੇ, ਉਨ੍ਹਾਂ ਨੂੰ ਨਾਨ-ਮੈਡਿਕਲ ਮਾਸਕ ਜ਼ਰੂਰ ਵਰਤਣੇ ਚਾਹੀਦੇ ਹਨ।
ਡਾ. ਟੈਮ ਨੇ ਕਿਹਾ ਕਿ ਇਸ ਨੂੰ ਵਰਤਦੇ ਹੋਏ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਅਜਿਹਾ ਕਰਨਾ ਖੁਦ ਲਈ ਅਤੇ ਆਪਣੇ ਆਲੇ-ਦੁਆਲੇ ਦੇ ਲੋਕਾਂ ਦੀ ਸੁਰੱਖਿਆ ਲਈ ਜ਼ਰੂਰੀ ਹੈ।
ਲੋਕਾਂ ਨੂੰ ਗਰਮੀ ਦੀ ਰੁੱਤ 'ਚ ਐਕਟਿਵਿਟੀਜ਼ ਸੰਬੰਧੀ ਸਲਾਹ ਦਿੰਦੇ ਹੋਏ ਡਾ. ਟੈਮ ਨੇ ਕਿਹਾ ਕਿ, ਬਾਹਰ ਦੀਆਂ ਐਕਟਿਵਿਟੀਜ਼, ਅੰਦਰ ਦੀਆਂ ਐਕਟਿਵਿਟੀਜ਼ ਤੋਂ ਬਿਹਤਰ ਹਨ, ਪਰ ਅਜਿਹਾ ਕਰਦੇ ਹੋਏ ਫਿਜ਼ੀਕਲ ਡਿਸਟੈਨਸਿੰਗ ਅਤੇ ਹੱਥ ਧੋਣ ਜਿਹੇ ਕਦਮਾਂ ਦੀ ਪਾਲਣਾ ਕਰਦੇ ਰਹਿਣਾ ਵੀ ਬੇਹੱਦ ਜ਼ਰੂਰੀ ਹੈ।
