14.96C Vancouver 14.96C VancouverJun 4, 2020 8:42 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਚਿਤਾਵਨੀ ਦਿੱਤੀ ਹੈ ਕਿ, ਲੋਕ ਸਿਹਤ ਸੰਬੰਧੀ ਪਬੰਦੀਆਂ 'ਚ ਤੇਜ਼ੀ ਨਾਲ ਢਿੱਲ ਦੇ ਦੇਣ ਨਾਲ ਸਥਿਤੀ ਵਿਗੜ ਸਕਦੀ ਹੈ।
ਉਨ੍ਹਾਂ ਕਿਹਾ ਜਲਦਬਾਜ਼ੀ ਨਾਲ ਕੋਵਿਡ-19 ਦੀ ਭਿਆਨਕ ਵਾਪਸੀ ਹੋ ਸਕਦੀ ਹੈ।
ਚੀਫ਼ ਪਬਲਿਕ ਹੈਲਥ ਅਫ਼ਸਰ ਨੇ ਅੱਜ ਇੱਕ ਰਿਪੋਰਟ ਸਾਂਝੀ ਕੀਤੀ, ਜਿਸ ਤੋਂ ਪਤਾ ਚਲਦਾ ਹੈ ਕਿ, ਦੇਸ਼ 'ਚ ਕੋਵਿਡ-19 ਦੇ ਮਾਮਲਿਆਂ 'ਚ ਕਾਫੀ ਗਿਰਾਵਟ ਆਈ ਹੈ ਅਤੇ ਇਸ ਦੇ ਫੈਲਾਅ 'ਤੇ ਵੀ ਕਾਬੂ ਪਾਇਆ ਗਿਆ ਹੈ।
ਪਰ ਡਾ. ਟੈਮ ਨੇ ਕਿਹਾ ਕਿ ਟੋਰੌਂਟੋ ਅਤੇ ਮੌਂਟਰੀਅਲ ਕਮਿਊਨਿਟੀ ਟਰਾਂਸਮਿਸ਼ਨ ਦੇ ਹਾਟਸਪਾਟ ਜਾਪਦੇ ਹਨ ਅਤੇ ਇਹ ਚਿੰਤਾ ਦਾ ਵਿਸ਼ਾ ਹੈ।
ਛੋਟੇ ਸਮੇਂ ਦੀ ਭਵਿੱਖਵਾਣੀ ਦਰਸ਼ਾਉਂਦੀ ਹੈ ਕਿ ਅਗਲੇ 11 ਦਿਨਾਂ 'ਚ 1,857 ਕਨੇਡੀਅਨਜ਼ ਦੀ ਇਸ ਵਾਇਰਸ ਕਾਰਨ ਜਾਨ ਜਾ ਸਕਦੀ ਹੈ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਅਗਲੇ ਮਹੀਨੇ ਤੱਕ ਦੇਸ਼ 'ਚ ਵਾਇਰਸ ਪੀੜਤਾਂ ਦੀ ਗਿਣਤੀ 107,500 ਤੱਕ ਪਹੁੰਚ ਸਕਦੀ ਹੈ।
ਮੌਤਾਂ ਦੀ ਗਿਣਤੀ 9,400 ਤੱਕ ਪਹੁੰਚਣ ਦੇ ਅਨੁਮਾਨ ਦੱਸੇ ਗਏ ਹਨ।
ਉਨ੍ਹਾਂ ਦੱਸਿਆ ਕਿ ਬਿਆਨ ਦੇਣ ਵਾਲੇ ਤੱਕ ਦੇਸ਼ 'ਚ ਕੋਰੋਨਾ ਵਾਇਰਸ ਦੇ 93,700 ਤੋਂ ਵਧੇਰੇ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
