ਡੇਅਕੇਅਰ ਹਾਦਸੇ ਵਿੱਚ ਡਰਾਈਵਰ 'ਤੇ ਲੱਗੇ ਗੰਭੀਰ ਦੋਸ਼

ਓਨਟਾਰੀਓ ਦੇ ਰਿਚਮੰਡ ਹਿੱਲ ਵਿਚ ਬੀਤੀ ਦੁਪਹਿਰ ਡੇਅ ਕੇਅਰ ਨਾਲ ਕਾਰ ਕ੍ਰੈਸ਼ ਕਰਨ ਵਾਲੇ 70 ਸਾਲਾ ਡਰਾਈਵਰ ਨੂੰ ਯੌਰਕ ਰੀਜਨਲ ਪੁਲਿਸ ਨੇ ਤਿੰਨ ਦੋਸ਼ਾਂ ਨਾਲ ਚਾਰਜ ਕੀਤਾ ਹੈ। ਵੀਰਵਾਰ ਨੂੰ ਇੱਕ ਅਪਡੇਟ ਵਿਚ ਪੁਲਿਸ ਨੇ ਕਿਹਾ ਕਿ ਡਰਾਈਵਰ 'ਤੇ ਮੌਤ ਹੋਣ ਦਾ ਕਾਰਨ ਬਣੀ ਖਤਰਨਾਕ ਡਰਾਈਵਿੰਗ ਦਾ ਇੱਕ ਦੋਸ਼ ਅਤੇ ਸਰੀਰਕ ਨੁਕਸਾਨ ਪਹੁੰਚਾਉਣ ਵਾਲੀ ਡਰਾਈਵਿੰਗ ਦੇ ਦੋ ਦੋਸ਼ ਲਗਾਏ ਗਏ ਹਨ।

ਪੁਲਿਸ ਮੁਤਾਬਕ,ਬੁੱਧਵਾਰ ਨੂੰ ਦੁਪਹਿਰ 3 ਵਜੇ ਦੇ ਕਰੀਬ ਯੋਂਗ ਸਟ੍ਰੀਟ ਅਤੇ ਨੌਟਿੰਘਮ ਡਰਾਈਵ ਦੇ ਨੇੜੇ ਇੱਕ ਚਾਈਲਡ ਕੇਅਰ ਸੈਂਟਰ ਦੀ ਸਾਹਮਣੇ ਵਾਲੀ ਖਿੜਕੀ ਵਿਚੋਂ ਇੱਕ ਕਾਰ ਲੰਘ ਗਈ, ਜਿਸ ਨੇ ਕਈ ਸਟਾਫ ਅਤੇ ਛੋਟੇ ਬੱਚਿਆਂ ਨੂੰ ਟੱਕਰ ਮਾਰ ਦਿੱਤੀ। ਇਸ ਵਿਚ ਡੇਢ ਸਾਲ ਦੇ ਇੱਕ ਲੜਕੇ ਦੀ ਮੌਤ ਹੋ ਗਈ ਅਤੇ ਜ਼ਖਮੀਆਂ ਵਿਚ ਦੋ ਹੋਰ ਬੱਚਿਆਂ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।

ਯੌਰਕ ਪੁਲਿਸ ਮੁਤਾਬਕ,ਕੁੱਲ ਮਿਲਾ ਕੇ ਡੇਢ ਤੋਂ ਤਿੰਨ ਸਾਲ ਦੀ ਉਮਰ ਦੇ ਸੱਤ ਬੱਚੇ ਵਾਹਨ ਦੀ ਲਪੇਟ ਵਿਚ ਆਏ। ਤਿੰਨ ਸਟਾਫ਼ ਮੈਂਬਰ ਵੀ ਜ਼ਖਮੀ ਹੋਏ। ਪੁਲਿਸ ਨੇ ਦੱਸਿਆ ਕਿ ਹਾਦਸੇ ਸਮੇਂ ਇਮਾਰਤ ਵਿਚ 96 ਬੱਚੇ ਸਨ। ਡਰਾਈਵਰ ਨੂੰ ਮੌਕੇ 'ਤੇ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ,ਹਾਲਾਂਕਿ ਪੁਲਿਸ ਦਾ ਮੰਨਣਾ ਹੈ ਕਿ ਇਹ ਇੱਕ ਦੁਖਦਾਈ ਹਾਦਸਾ ਸੀ।