9.02C Vancouver 9.02C VancouverAug 22, 2022 10:33 PM - The Canadian Press
ਵੈਸਟ ਵੈਨਕੂਵਰ 'ਚ ਇੱਕ ਵਿਆਹ ਦੀ ਪਾਰਟੀ ਦਰਮਿਆਨ ਵਾਪਰੀ ਭਿਆਨਕ ਘਟਨਾ ਦੌਰਾਨ 2 ਲੋਕਾਂ ਦੀ ਮੌਤ ਹੋਣ ਸੰਬੰਧੀ ਵਧੇਰੇ ਵੇਰਵੇ ਸਾਂਝੇ ਕੀਤੇ ਗਏ ਹਨ।
ਅੱਜ ਦੁਪਹਿਰ ਕਰੀਬ 12 ਵਜੇ ਇੱਕ ਪ੍ਰੈਸ ਕਾਨਫਰੰਸ ਆਸਰੇ ਘਟਨਾ ਸੰਬੰਧੀ ਜਾਣਕਾਰੀ ਦਿੱਤੀ ਗਈ।
ਕਾਂਸਟੇਬਲ ਨਿਕੋਲ ਬਰੈਥਵੇਟ ਨੇ ਦੱਸਿਆ ਕਿ ਘਟਨਾ 'ਚ 2 ਔਰਤਾਂ ਦੀ ਮੌਤ ਹੋ ਗਈ ਹੈ।
ਪੀੜਤ ਔਰਤਾਂ ਦੀ ਉਮਰ 60 ਤੋਂ 70 ਸਾਲ ਦਰਮਿਆਨ ਦੱਸੀ ਗਈ।
ਉਨ੍ਹਾਂ ਦੱਸਿਆ ਕਿ ਇੱਕ ਵਾਹਨ ਵਿਆਹ ਸੰਬੰਧੀ ਪਾਰਟੀ 'ਚ ਕਰੈਸ਼ ਕਰ ਗਿਆ ਸੀ।
ਘਟਨਾ 'ਚ 10 ਲੋਕਾਂ ਦੇ ਜਖਮੀ ਹੋਣ ਦੀ ਵੀ ਜਾਣਕਾਰੀ ਦਿੱਤੀ ਗਈ, ਜਿਸ 'ਚ 7 ਲੋਕਾਂ ਨੂੰ ਹਸਪਤਾਲ 'ਚ ਰੱਖਿਆ ਗਿਆ ਹੈ।
ਮਾਮਲਾ ਸ਼ਨੀਵਾਰ ਸ਼ਾਮ ਕਰੀਬ 6.10 ਵਜੇ ਦਾ ਦੱਸਿਆ ਗਿਆ ਹੈ।
ਕੀਥ ਰੋਡ ਦੇ ਇਲਾਕੇ 'ਚ ਵਾਪਰੀ ਘਟਨਾ ਤੋਂ ਬਾਅਦ ਮੌਕੇ 'ਤੇ 11 ਐਂਬੂਲੈਂਸ ਅਤੇ ਇੱਕ ਏਅਰ ਐਂਬੂਲੈਂਸ ਪਹੁੰਚੀ ਸੀ।
ਜਖਮੀਆਂ 'ਚ 2 ਦੀ ਹਾਲਤ ਨਾਜੁਕ ਅਤੇ 3 ਦੀ ਹਾਲਤ ਗੰਭੀਰ ਦੱਸੀ ਗਈ ਸੀ।
ਵੈਸਟ ਵੈਨਕੂਵਰ ਪੁਲਿਸ ਅਨੁਸਾਰ ਇਹ ਕਰੈਸ਼ 2 ਪ੍ਰਾਪਰਟੀਆਂ ਵਿਚਾਲੇ ਸਾਂਝੇ ਡ੍ਰਾਈਵ-ਵੇ 'ਤੇ ਵਾਪਰਿਆ।
ਪੁਲਿਸ ਅਨੁਸਾਰ ਵਾਹਨ ਇੱਕ 60 ਤੋਂ 70 ਸਾਲ ਦਰਮਿਆਨ ਦੀ ਔਰਤ ਵੱਲੋਂ ਚਲਾਇਆ ਜਾ ਰਿਹਾ ਸੀ ਅਤੇ ਉਹ ਡ੍ਰਾਈਵ-ਵੇ ਵਿੱਚੋਂ ਗੱਡੀ ਕੱਢਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਜਦ ਉਹ ਭੀੜ 'ਚ ਦਾਖਿਲ ਹੋ ਗਈ।
ਵਾਹਨ ਚਾਲਕ ਨੂੰ ਵੀ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਹਾਲਾਂਕਿ ਕਾਂਸਟੇਬਲ ਬਰੈਥਵੇਟ ਨੇ ਦੱਸਿਆ ਕਿ ਫਿਲਹਾਲ ਛਾਂ ਚਾਲਕ ਨਾਲ ਗੱਲਬਾਤ ਨਹੀਂ ਹੋ ਸਕੀ ਹੈ।
ਉਨ੍ਹਾਂ ਦੱਸਿਆ ਕਿ ਵਾਹਨ ਚਾਲਕ ਸਮੇਤ ਮੌਕੇ 'ਤੇ ਮੌਜੂਦ ਲੋਕਾਂ ਨਾਲ ਗੱਲਬਾਤ ਕੀਤੀ ਜਾਵੇਗੀ।
