13.71C Vancouver 13.71C VancouverJan 18, 2024 5:12 PM - The Canadian Press
ਬਿ੍ਰਟਿਸ਼ ਕੋਲੰਬੀਆ ਯੂਨੀਵਰਸਿਟੀ ਵਿਚ ਬੀਤੇ ਦਿਨ ਪਾਰਕੇਡ ਦੀ ਦੂਜੀ ਮੰਜ਼ਿਲ ਤੋਂ ਇਕ ਕਾਰ ਹੇਠਾਂ ਡਿੱਗ ਗਈ ਸੀ ਜਿਸ ਵਿਚ ਡਰਾਇਵਰ ਦੀ ਮੌਤ ਹੋ ਗਈ।
ਆਰ.ਸੀ.ਐੱਮ.ਪੀ. ਦਾ ਕਹਿਣਾ ਹੈ ਕਿ ਸਵੇਰੇ 9:30 ਵਜੇ ਦੇ ਕਰੀਬ ਹੋਈ ਇਸ ਦੁਰਘਟਨਾ ਵਿਚ ਡਰਾਈਵਰ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ ਜੋ ਇਕ ਕਾਲੀ ਸੇਡਾਨ ਵਿਚ ਹੇਠਾਂ ਡਿੱਗਿਆ ਸੀ।
ਆਰ.ਸੀ.ਐੱਮ.ਪੀ. ਅਨੁਸਾਰ ਪਹਿਲਾਂ ਕਾਰ ਦੇ ਉਪਰ ਲਟਕੇ ਹੋਏ ਪਾਰਕੇਡ ਦੇ ਕੰਕਰੀਟ ਬੈਰੀਅਰ ਦੇ ਇਕ ਟੁਕੜੇ ਨੂੰ ਹਟਾਉਣਾ ਪਿਆ ਜੋ ਇਸ ਬਚਾਅ ਦੇ ਇਸ ਕੰਮ ਵਿਚ ਰੁਕਾਵਟ ਬਣ ਰਿਹਾ ਸੀ।
ਵੈਨਕੂਵਰ ਫਾਇਰ ਰੈਸਕਿਊ ਸਰਵਿਸਿਜ਼ ਅਧਿਕਾਰੀ ਮੈਥਿਊ ਟਰੂਡੋ ਦਾ ਕਹਿਣਾ ਹੈ ਕਿ ਬਚਾਅ ਦਲ ਵਲੋਂ ਦੁਪਿਹਰ ਨੂੰ ਉਸ ਵਿਅਕਤੀ ਨੂੰ ਬਾਹਰ ਕੱਢਿਆ ਗਿਆ ਪਰ ਤਦ ਤਕ ਉਸ ਦੀ ਮੌਤ ਹੋ ਚੁੱਕੀ ਸੀ।
ਪੁਲਿਸ ਅਨੁਸਾਰ ਮੌਕੇ ’ਤੇ ਉਹ ਇਕੱਲਾ ਵਿਅਕਤੀ ਹੀ ਕਾਰ ਵਿਚ ਮੌਜੂਦ ਸੀ ਜਿਸ ਕਾਰਨ ਕੋਈ ਹੋਰ ਜ਼ਖ਼ਮੀ ਨਹੀਂ ਹੋਇਆ। ਪਾਰਕੇਡ ਨੂੰ ਸ਼ਾਮ 6:30 ਤੱਕ ਬੰਦ ਰੱਖਿਆ ਗਿਆ ਸੀ। ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
