8.15C Vancouver 8.15C VancouverMay 16, 2022 8:25 PM - The Canadian Press
ਔਂਟੈਰੀਓ ਦੇ ਵਿੱਚ ਇੱਕ ਭਿਆਨਕ ਕਰੈਸ਼ 'ਚ ਸ਼ਾਮਿਲ ਵਾਹਨ ਚਾਲਕ ਨੂੰ 17 ਸਾਲ ਦੀ ਕੈਦ ਦੀ ਸਜਾ ਸੁਣਾਈ ਗਈ ਹੈ।
ਮਾਮਲਾ ਬਰੈਂਪਟਨ 'ਚ ਵਾਪਰੇ ਕਰੈਸ਼ ਨਾਲ ਸੰਬੰਧਤ ਹੈ।
ਦੁੱਖਦਾਈ ਘਟਨਾ 'ਚ ਇੱਕ ਔਰਤ ਅਤੇ ਉਸ ਦੀਆਂ 3 ਧੀਆਂ ਦੀ ਮੌਤ ਹੋ ਗਈ ਸੀ।
ਹੁਣ ਮਾਮਲੇ 'ਚ ਬਰੇਡੀ ਰੌਬਰਟਸਨ ਨਾਮ ਦੇ ਵਾਹਨ ਚਾਲਕ ਨੂੰ 17 ਸਾਲ ਦੀ ਕਿਸ ਸੁਣਾਈ ਗਈ ਹੈ।
ਦੋਸ਼ੀ ਦੀ ਉਮਰ 21 ਸਾਲ ਹੈ।
ਉਸ ਨੂੰ ਜੇਲ੍ਹ 'ਚ ਬਿਤਾਏ 3 ਸਾਲਾਂ ਦਾ ਕਰੈਡਿਟ ਦਿੱਤਾ ਜਾਵੇਗਾ, ਜਿਸ ਅਨੁਸਾਰ ਹੁਣ ਉਸ ਨੂੰ 14 ਸਾਲ ਅਤੇ 2 ਮਹੀਨੇ ਹੋਰ ਜੇਲ੍ਹ 'ਚ ਬਿਤਾਉਣੇ ਪੈਣਗੇ।
ਪ੍ਰਸਿਕਿਊਟਰਸ ਨੇ ਰੌਬਰਟਸਨ ਲਈ 23 ਸਾਲ ਦੀ ਕੈਦ ਦੀ ਮੰਗ ਕੀਤੀ ਸੀ ਅਤੇ ਵਾਹਨ ਚਲਾਉਣ 'ਤੇ ਜੀਵਨ ਭਰ ਦਾ ਬੈਨ ਲਗਾਉਣ ਲਈ ਆਖਿਆ ਸੀ।
ਘਟਨਾ 18 ਜੂਨ 2020 ਨੂੰ ਵਾਪਰੀ ਸੀ।
ਬੀਤੇ ਮਹੀਨੇ ਸਜਾ ਸੰਬੰਧੀ ਸੁਣਵਾਈ ਦੌਰਾਨ ਇਸ ਵਾਹਨ ਚਾਲਕ ਨੇ ਆਖਿਆ ਸੀ ਕਿ ਉਹ ਆਪਣੇ ਐਕਸ਼ਨਸ ਲਈ ਬੇਹੱਦ ਦੁਖੀ ਹੈ ਅਤੇ ਮੁਆਫੀ ਮੰਗ ਰਿਹਾ ਹੈ।
ਪੀੜਤ ਔਰਤ ਦੀ ਭੈਣ ਐਨਾ ਮਾਰਟਿਨ ਦਾ ਕਹਿਣਾ ਸੀ ਕਿ ਕੋਈ ਵੀ ਸਜਾ ਉਨ੍ਹਾਂ ਦਾ ਦੁੱਖ ਘਟਾਉਣ ਲਈ ਕਾਫੀ ਨਹੀਂ ਹੈ।
