18C Vancouver 18C VancouverSep 17, 2021 10:26 PM -
ਬੀ.ਸੀ. ਵਾਸੀਆਂ ਨੂੰ ਬੀ.ਸੀ. ਹਾਈਡ੍ਰੋ ਨੇ ਸਾਵਧਾਨ ਕੀਤਾ ਹੈ ਕਿ ਬੱਤੀ ਗੁਲ ਹੋਣ ਲਈ ਤਿਆਰ ਰਿਹਾ ਜਾਵੇ।
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਗਰਮੀ ਦੌਰਾਨ ਪਏ ਸੋਕੇ ਕਾਰਨ ਇਲਾਕੇ 'ਚ ਹੋ ਰਹੀ ਬਾਰਿਸ਼ ਵਧੇਰੇ ਨੁਕਸਾਨਦਾਇਕ ਸਾਬਿਤ ਹੋ ਸਕਦੀ ਹੈ।
ਕਰਾਊਨ ਯੂਟਿਲਿਟੀ ਦੀ ਇੱਕ ਤਾਜਾ ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਜੂਨ ਤੋਂ ਅਗਸਤ ਵਿਚਾਲੇ ਗਰਮੀ ਨੇ ਰਿਕਾਰਡ ਤੋੜੇ।
ਦੱਸਿਆ ਗਿਆ ਕਿ ਇਸ ਦੌਰਾਨ ਸੂਬੇ 'ਚ ਦਰਖਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ ਅਤੇ ਉਨ੍ਹਾਂ ਦੀਆਂ ਜੜਾਂ ਕਮਜੋਰ ਹੋ ਗਈਆਂ ਹਨ।
ਮੀਂਹ ਅਤੇ ਤੇਜ ਹਵਾਵਾਂ ਵਿਚਾਲੇ ਕਮਜੋਰ ਹੋਏ ਦਰਖਤਾਂ ਦੇ ਡਿੱਗਣ ਦਾ ਖਤਰਾ ਦੱਸਿਆ ਗਿਆ ਹੈ।
ਅਜਿਹੇ 'ਚ ਪਾਵਰ ਲਾਈਨਸ ਡਿੱਗਣ ਦਾ ਖਤਰਾ ਬਣ ਗਿਆ ਹੈ।
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਇਸ ਵਾਰ ਦੀ ਸਥਿਤੀ ਸਾਲ 2015 ਅਤੇ ਸਾਲ 2018 ਜਿਹੀ ਹੈ ਜਦ ਹਨੇਰੀ ਅਤੇ ਝੱਖੜ ਕਾਰਨ ਨੁਕਸਾਨ ਹੋਇਆ ਸੀ।
ਸਾਲ 2015 'ਚ ਸੋਕੇ ਤੋਂ ਬਾਅਦ ਆਈਆਂ ਹਨੇਰੀਆਂ ਦੌਰਾਨ 710,000 ਆਊਟੇਜਿਸ ਦਾ ਸਾਹਮਣਾ ਕਰਨਾ ਪਿਆ ਸੀ।
ਯਾਦ ਰਹੇ ਬੀ.ਸੀ. ਹਾਈਡ੍ਰੋ ਦੀ ਉੱਤਰੀ ਅਮਰੀਕਾ 'ਚ ਪ੍ਰਤੀ ਕਿਲੋਮੀਟਰ ਵਿੱਚ ਦਰਖਤਾਂ ਦੀ ਸਭ ਤੋਂ ਵੱਧ ਡੈਨਸਿਟੀ ਹੈ।
