13.84C Vancouver 13.84C VancouverFeb 2, 2024 3:35 PM - The Connect News
ਪੰਜਾਬ ਵਿਚ ਕਰੋੜਾਂ ਰੁਪਏ ਦੀ ਡਰੱਗ ਤਸਕਰੀ ਦੇ ਮਾਮਲੇ ਵਿਚ ਪੁਲਿਸ ਦੀ ਵਿਸ਼ੇਸ਼ ਜਾਂਚ ਟੀਮ ਵਲੋਂ ਤਲਬ ਕੀਤੇ ਗਏ ਬਿਕਰਮ ਸਿੰਘ ਮਜੀਠੀਆ ਦੇ 4 ਨਜ਼ਦੀਕੀਆਂ ਵਿਚੋਂ ਅੱਜ ਦੋ ਪੁੱਛ-ਪੜਤਾਲ ਲਈ ਪੇਸ਼ ਹੋਏ।
ਇਨ੍ਹਾਂ ਤੋਂ ਡੀ. ਆਈ. ਜੀ. ਹਰਚਰਨ ਭੁੱਲਰ ਦੀ ਅਗਵਾਈ ਵਾਲੀ ਸਿੱਟ ਨੇ ਪਟਿਆਲਾ ਵਿਚ ਪੁੱਛ ਪੜਤਾਲ ਕੀਤੀ।
ਮਜੀਠੀਆ ਦੇ ਨਜ਼ਦੀਕੀ ਚਾਰ ਜਾਣਿਆਂ ਨੂੰ 2 ਫਰਵਰੀ ਲਈ ਸੰਮਨ ਜਾਰੀ ਹੋਏ ਸਨ ਪਰ ਸਿੱਟ ਸਾਹਮਣੇ ਦੋ ਜਣੇ ਹੀ ਪੁੱਜੇ। ਇਹ ਕੇਸ ਬਿਕਰਮ ਮਜੀਠੀਆ ਖ਼ਿਲਾਫ਼ ਚੰਨੀ ਸਰਕਾਰ ਸਮੇਂ ਦਰਜ ਕੀਤਾ ਗਿਆ ਸੀ, ਜਿਸ ਵਿਚ ਉਨ੍ਹਾਂ ਕੋਲੋਂ ਤਿੰਨ ਵਾਰ ਪੁੱਛ ਪੜਤਾਲ ਕੀਤੀ ਜਾ ਚੁੱਕੀ ਹੈ।
ਇਸ ਤੋਂ ਇਲਾਵਾ ਸਾਬਕਾ ਵਿਧਾਇਕ ਬੋਨੀ ਅਜਨਾਲਾ, ਅਕਾਲੀ ਆਗੂ ਬਿੱਟੂ ਔਲਖ ਅਤੇ ਜਗਜੀਤ ਚਾਹਲ ਤੋਂ ਵੀ ਗਵਾਹਾਂ ਵਜੋਂ ਸਿੱਟ ਨੇ ਜਾਣਕਾਰੀ ਹਾਸਲ ਕੀਤੀ ਹੈ।
