14.61C Vancouver 14.61C VancouverAug 31, 2026 4:13 PM - Connect Newsroom - Ramandeep Kaur
ਚਿਲੀਵੈਕ ਆਰਸੀਐਮਪੀ ਦੀ ਅਗਵਾਈ ਵਿਚ ਹੋਈ ਇੱਕ ਕਾਰਵਾਈ ਤੋਂ ਬਾਅਦ ਕਈ ਸ਼ਹਿਰਾਂ ਵਿਚ ਨਸ਼ਾ ਤਸਕਰੀ ਦਾ ਨੈੱਟਵਰਕ ਚਲਾਉਣ ਵਾਲੇ Tyler Missen ਨਾਂ ਦੇ ਮੁਲਜ਼ਮ ਨੂੰ 11.5 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਕਾਰਪੋਰੇਸ਼ਨ ਸਟੀਫਨ ਮੈਂਡੇਲਾ ਮੁਤਾਬਕ, ਡਰੱਗ ਤਸਕਰੀ ਦਾ ਇਹ ਨੈੱਟਵਰਕ ਚਿਲੀਵੈਕ, ਐਬਟਸਫੋਰਡ ਅਤੇ ਲੈਂਗਲੀ ਵਿਚ ਫੈਲਿਆ ਹੋਇਆ ਸੀ। 29 ਜੂਨ ਨੂੰ ਪੁਲਿਸ ਨੇ ਕਈ ਥਾਵਾਂ 'ਤੇ ਛਾਪੇਮਾਰੀ ਕੀਤੀ।
ਇਸ ਦੌਰਾਨ ਵੱਡੀ ਮਾਤਰਾ ਵਿਚ ਨਸ਼ੀਲੇ ਪਦਾਰਥ, ਹਥਿਆਰ, ਗੱਡੀਆਂ ਅਤੇ ਕੈਨੇਡੀਅਨ ਕਰੰਸੀ ਬਰਾਮਦ ਕਰਦੇ ਹੋਏ ਅਤੇ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ।
ਲੈਂਗਲੀ ਦੇ ਰਹਿਣ ਵਾਲੇ Missen ਨੇ ਹਿਰਾਸਤ ਦੌਰਾਨ 2 ਜੁਲਾਈ ਨੂੰ ਨਸ਼ਾ ਤਸਕਰੀ ਅਤੇ ਹਥਿਆਰਾਂ ਨਾਲ ਸਬੰਧਤ ਮਾਮਲਿਆਂ ਵਿਚ ਆਪਣਾ ਗੁਨਾਹ ਕਬੂਲ ਕਰ ਲਿਆ ਸੀ, ਜਿਸ ਤੋਂ ਬਾਅਦ 26 ਅਗਸਤ ਨੂੰ ਅਦਾਲਤ ਨੇ ਉਸ ਨੂੰ ਸਾਢੇ 11 ਸਾਲ ਦੀ ਸਜ਼ਾ ਸੁਣਾਈ, ਇਸ ਵਿਚੋਂ ਹਿਰਾਸਤ ਦਾ ਸਮਾਂ ਕੱਢ ਕੇ ਉਸ ਨੂੰ ਲਗਭਗ 10 ਸਾਲ ਅਤੇ 10 ਮਹੀਨੇ ਜੇਲ੍ਹ ਵਿਚ ਹੋਰ ਕੱਟਣੇ ਪੈਣਗੇ।
